في رحاب الکاظمي

هوية الكتاب

سرشناسه :بوحمیدی، كاظم، 1332-

عنوان و نام پدیدآور :فی رحاب الكاظمی/ كاظم بوحمیدی.

مشخصات نشر :اصفهان: نورالحیات، 14ق-= 14 -

مشخصات ظاهری :ج.

شابك :ج.1: 978-622-5985-38-4

وضعیت فهرست نویسی :فیپا

یادداشت :زبان: عربی.

یادداشت :فهرستنویسی بر اساس جلد دوم: 1445ق.-= 1402.

موضوع :حسین بن علی (ع)، امام سوم، 4 - 61ق -- اصحاب-- شعر

موضوع :Hosayn ibn Ali, Imam III, 625 - 680 -- *Ashab-- Poetry

موضوع :واقعه كربلا، 61ق -- شعر-- مجموعه ها Karbala, Battle of, Karbala, Iraq, 680 -- Poetry-- Collections شعر عربی -- ایران -- قرن 14 -- مجموعه ها Arabic poetry -- Iran -- 20th century -- Collections شعر مذهبی عربی -- ایران -- قرن 14 -- مجموعه ها Religious poetry, Arabic -- Iran -- 20th century -- Collections

رده بندی كنگره :PJA2590

رده بندی دیویی :892/71008

شماره كتابشناسی ملی :9313619

اطلاعات ركورد كتابشناسی :فیپا

محرر رقمي:محمد المنصوري

فیپا

في رحاب الكاظمي

روضة الزينبيِة في رثاء الفاطمیّة (الجزء الثاني)

المؤلف : كاظم ابن المرحوم الحاج عبدالزهراء البوحمیدی

الناشر : نورالحیات

الطبعة : الاولی 1445 ق – 1402ش

تنضید الحروف : مهدی الآقابابایی

الكمیة: 1000 نسخة

ردمك : 4-38-5985-622-978

السعر : 200000 تومان

ص: 1

اشارة

كلمة لابد منها :

اقدم الشكر الجزیل الی اعزائی و أخوانی فی الدین ، الذین بذلوا من اهتمام خالص شیّق لتحریر هذا الكتاب الشریف المسمی بالرروضة الزینبیة و ساعدونی مساعدة شقیق مخلص منهم حجة الإسلام و المسلمین الشیخ محمدرضا بن ابراهیم البوحمیدی الذی قام بطبع الكتاب و كذلك حجة الإسلام و المسلمین الشیخ عبدالزهره بن كاظم البوحمیدی نجل مؤلف الكتاب الذی بین یدیك الذی قام بطباعة الكتاب بدقّة و جدّ فجزی اللّه الجمیع خیر الجزاء

و نرجوا من اللّه عمیم فضله أن یدیم توفیقهم و یحشرهم مع موالیهم المیامین بحق محمدٍ و آله الطاهرین

اللهم أثبني برحمتك على ذلك، واجعل ثوابه لوالدی و لمن له حق علیَّ

الحقیر كاظم بوحمیدی

ص: 5

فهرس المطالب

الفصل الأول فی النوحیات المنتخبة بقلم خادم اهل البیت و الرادود الحسینی

كاظم ابن المرحوم الحاج عبدالزهراء بن الحسین بن زایر خلف البوحمیدی. 11

فی رثاء النبی(صلی الله علیه و آله و سلم) / الشیخ اسماعیل الفیصلی... 13

فی ذكری وفاة الرسول (صلی الله علیه و آله و سلم)و ندبة الزهراء البتول (علیها السلام) / الشیخ محمد سعید المنصوری... 14

فی مصاب الزهرا (علیها السلام)/ خدیجه كرم نوروز. 16

فجیعة الهاشمیین فی التاسع عشر من شهر رمضان/ و لها ایضاً 18

فی سمّ الامام الحسن (علیه السلام) السبط/ خدیجه كرم نوروز. 20

شهر المصائب/ الشیخ هادی القصاب.... 23

عن لسان فاطمة العلیله تشكوا لأبیها الحسین(علیهم السلام) الم الفراق عند خروجه الی العراق... 25

للشیخ ناجی الچپان.. 25

فی هلال المحرّم/ للشیخ هادی القصاب.... 29

فی شجاعة مسلم بن عقیل (علیه السلام) / للشیخ الدیراوی... 32

(اشرب مدامعنا ابا الشهداء)/ المرحوم عبد الله الروازق... 34

فی حالة العلیلة فاطمه بنت الحسین (علیه السلام) بعد فراق ابیها و عمومتها و اخواتها 36

الشیخ هادی القصاب.... 36

فی غربة مسلم بن عقیل (علیه السلام) فی الكوفه/ الشیخ محمد سعید المنصوی... 39

حمیدة بنت مسلم (علیه السلام) تشكوا فراق ابیها الی عمها الحسین (علیه السلام)/ الشیخ هادی القصاب.... 42

فی نزول الحسین (علیه السلام) فی كربلاء/ الشیخ صادق رحمة اللّه. 46

الحر الریاحی یخیّر نفسه بین الجنة و النار/ الشیخ هادی القصاب.... 48

فی رثاء حبیب ابن مظاهر الاسدی/ للخطیب ملا عطیة الجمری... 52

الحواراء زینب(علیها السلام) تشكوا حالة العطش الی اخیها ابالفضل العباس(علیه السلام)......... 54

الشیخ هادی القصاب.... 54

فی مصرع العباس (علیه السلام) و مجیئ الحسین (علیه السلام)......... 57

لكُلِّ بَطَل هاشمی/ الشیخ عبدالساده الدیراوی... 60

فی شجاعة العباس (علیه السلام)/ الشیخ باقر الشیخ حبیب الحلی... 62

ص: 1

محاوره بین حبیب و الانصار. 66

نعی مجارید عن لسان زینب (علیها السلام)....... 69

خویة یا راعی العلم/ الشیخ عبدالأمیر المرشد.. 70

فی بیان عطش عیال الحسین (علیه السلام) و شكوی زینب(علیها السلام) ذلك لأخیها و ابن والدها و كفیلها أبی الفضل العباس (علیه السلام) 72

هذه القصیدة اما للشاعر مله عبدالحسین صبره و اما للمرحوم الشیخ حسن العذاری... 72

فی رثاء العباس (علیه السلام) / للسید باقر الهندی... 74

فی زفاف القاسم ابن الحسن (علیهم السلام) عن لسان امه رمله/ الفاضل السید عبدالحسین الشرع... 75

فی رثاء القاسم بن الامام الحسن (علیه السلام).......... 79

فی زفاف القاسم ابن الحسن (علیه السلام) / المرحوم شاكر محمود الحداد التستری النجفی... 83

فی زفاف القاسم بن الحسن (علیه السلام)/ السید باقر الهندی رحمة الله. 87

فی زفاف القاسم بن الحسن (علیه السلام) و خطاب امه رمله / المرحوم عبد الله الروازق... 89

فی حق القاسم/ سید علی الهاشمی... 96

فی رثاء علی الأكبر(علیه السلام) عن لسان امه لیلی/ المرحوم الشیخ یاسین الكوفی... 98

فی رثاء علی الأكبر(علیه السلام) عن لسان الوالده/الشیخ عبد الساده الدیراوی... 101

فی شجاعة علی الاكبر(علیه السلام)/ الشیخ نجم عبّود الحلی الكوّاز رحمة الله. 104

نعی عن لسان لیلی... 106

شجاعة علی الأكبر(علیه السلام) فی معركة الشرف الحسینی فی أرض كربلاء. 107

لیلی عند مصرع الأكبر(علیه السلام)......... 110

الوالده المفجعوعه. 115

عن لسان الوالده. 116

یا علی عطشان.. 116

لِماذا یُذبَحُ الرَّضیع / الشیخ عبدالساده الدیراوی... 120

فی خطاب الرباب ام عبداللّه الرضیع (علیهم السلام)............... 123

لیلة العاشر و الوداع الأخیر/ خدیجه كرم نوروز. 126

فی وداع الأخیر للحسین(علیه السلام) مع زینب(علیها السلام)............ 130

( حسین ودّع عیلته)/ الشیخ عبدالرسول محیی الدین... 132

فی بیان مصائب یوم العاشر من المحرم و حالة العقیله زینب(علیها السلام) و احزانها و مصائبها المؤلمة/ ناجی الچبان النجفی... 135

فی سقوط الحسین(علیه السلام) و رجوع الجواد الی العائله و مكالمة الحوراء زینب (علیها السلام) معه/ المرحوم عبد الله الروازق. 139

فی حدی... 141

ص: 1

فی لیلیة الحادی عشر من المحرم و عتاب زینب(علیها السلام)............ 146

فی لیلة الحادی عشر/ لبعضهم.. 153

فی دفن الحسین (علیه السلام)و خطاب زینب مع زین العابدین(علیهم السلام) / الخطیب ملا عطیه علی طریقت اهل البحرین 156

فی رجوع السبایا من الشام الی كربلاء/ر باقر الخفاجی... 158

فی رجوع السبایا من الشام و وقوف زینب(علیها السلام) عند قبر أخیها العباس (علیه السلام)/المرحوم عبود غفله الشمرتی... 159

فی رجوع السبایا من الشام الی كربلاء/ الشیخ باقر الشیخ حبیب الحلّی الخفاجی... 161

فی رجوع السبایا الی كربلاء/ بحر هجینی... 163

فی دخول السبایا الی كربلاء/ و خطاب زینب (علیها السلام)لمحمد ابن الحنیفه/ ملا عطیه علی طریقة أهل البحرین... 167

الفصل الثانی: فی النعی. 169

عن لسان سكینه بنت الحسین (علیه السلام) و هی تخاطب ابیها 170

حالة الحوراء زینب الكبری بعد مصرع أخیها الحسین (علیه السلام)/ للمرحوم الشیخ أحمد الوائلی . 171

و ذلك لما نادی ابن سعد (لع) یا خیل اللّه اركبی و ابشری بالجنّة و دوسی صدر الحسین (علیه السلام)/ للشیخ یاسین الكوفی 174

عن لسان زینب(علیها السلام) فی لیلة الحادی عشر...... 175

عن لسان زینب(علیها السلام)............ 175

فی رثاء الامام سید الشهداء الحسین (علیه السلام) /المرحوم عبدالرضا الحجار. 177

ص: 7

فی رثاء النبی (صلی الله علیه و آله و سلم)/الشیخ اسماعیل الفیصلی

لطمیّه

ساعد اللّه الدین و جبر كسرته *** ابیوم حیدر دار طاها الجبلته

۞۞۞

جبّله او شمّه او همل دمعه ابدمه *** او طلعت امن الباب تصرخ فاطمه

اشلون ما طبّگ علی الگاع السمه *** او وگف دوران الفلك من ساعته

_________________

او وگف دوران الفلك و تعطلت *** افلاكها او بوب المدارس غلگت

ابیوم فك عینه الرّسول و غمضت *** ابوجه ابن عمّه او زادت ونته

_________________

ابوجه ابن عمّه و سكن منّه الونین *** او صاح جبرائیل یا هدمت الدّین

الگوم من الیوم خانوا ببواحسین *** بایعوا غیره او نكروا بیعته

_________________

بایعوا غیره و هُو وحده اتركوه *** اویاه بس سلمان و یغسّل بخوه

التفوا اویاالبطل و الحگ انكروه *** او گالوا الثارت كلها ابرگبته

_________________

گالوا او گال الزنیم الدارهم *** خل تجی اهل الثار تاخذ ثارهم

ص: 13

راحوا و بالباب وجّوا نارهم *** و الزنیم ایگول طبوا الحجرته

_________________

و الزنیم ایگول طبوا المنزله *** لو یبایع لو نحرجه اهوا و هله

گامت الزهره تفك الباب اله *** و النغل حس او عصرها ابركبته

_________________

والنغل حس و عصرها و لا خجل *** امن الجلیل او لا حسب یوم الاجل

جمّع اجموعه او خذوا خیر العمل *** او مادرت بت الرّسول ابطلعته

_________________

مادرت من حیث شاهدها الصواب *** و الضلع مكسور من عصرت الباب

گعدت و صاحت علی و ما من جواب *** حس گلبها بالفراگ او تبعته

_________________

حس گلبها او گعدت و شدّت العین *** اتصیح فضه عمچ الكرار وین

بچت فضه او نادت ابگلبٍ حزین *** خذوا حیدر و العمامه ابرگبته

۞۞۞

(تمت)

فی ذكری وفاة الرسول (صلی الله علیه و آله و سلم)و ندبة الزهراء البتول (علیها السلام)

الشیخ محمد سعید المنصوری

لطمیّه

مات المصطفی الیوم *** و اتون الزچیه

ص: 14

تنعاه او گلبها امن الحزن ذاب *** و اتون الزچیه

۞۞۞

ولهانه او تنادی او تهمل العین *** یا بدر الهواشم

یا روحی او ظی اعیونی الإثنین *** یا نور العوالم

بویه ابهالسفر مگصدك لاوین *** یا بحر المچارم

بویه اعلیك ینحب داحی الباب *** و الزاچی او اخیّه

_________________

بویه اگعد او شاهد حالتی اشلون *** من بعدك یغالی

هذا الحسن و اعضیده یونّون *** لفراگك یوالی

بویه او بعد نورك مظلم الكون *** یا ذخری او دلالی

یا وسفه اعله شخصك بالترب غاب *** یا حلو السجیّه

_________________

بویه اشلون بعدك اصد للدار *** یا نور المدینه

اتحنّن لیك بویه اظلوعی الاگصار *** یا عزنه او ولیته

بویه انهض او عاین حامی الجار *** بویه امچتفینه

بویه او بیه غدرت كل الأصحاب *** بعدك یا شفیّه

_________________

بویه ابرخصتك چلمه ارد أحاچیك *** باللّه استمع منّی

لاچن خاف یالوالد ابچّیك *** من ونّی او حنّی

بویه كون تگعد لی و اراویك *** یالمختار متنی

ص: 15

او تنظر ظلعی المكسور بالباب *** و ادموعی الجریّه

_________________

وسط الصدر بویه انصبت مسمار *** او قنفد لطم عینی

بویه او خر جنینی ابعتبة الدار *** گوم انظر جنینی

بویه او لو نخیت ابإسمك انصاب *** یا خیر البریّه

۞۞۞

(تمت)

فی مصاب الزهرا (علیها السلام)/خدیجه كرم نوروز

لطمیّه

اتون الزچیه *** ونّه خفیّه

خاف الضلع مكسور *** زینب یخیّه

۞۞۞

اتون او تنادی *** گوم الاعادی

عگبك یبو ابراهیم *** صعبه علیّه

_________________

الطاغی لوعها *** عوّر ظلعها

و اعظم علیها یوم *** شگ الوصیّه

ص: 16

_________________

صاحت ییابه *** ما لی هیابه

دائی البچه و النوح *** و اصفج بدیّه

_________________

ظلّت محزنه *** او تجذب الونه

اتلوج او تصد بالعین *** لحسین و اخیه

_________________

ویلاه یام حسین *** شنهوا التهیسین

ابعید البلا اتونین *** ونت المنیّه

_________________

یمه یزهره *** گلبی اشصبره

اونینچ شلع لحشای *** و اغمه علیّه

_________________

باری الحسن و الحسین *** و الفاطمیّه

باری الحسن زین *** او هله هله بحسین

_________________

و انتی اویاه ترحین *** للغاضریه

وكت التودعیه *** بالنحر حبیه

_________________

كفلی اعیاله زین *** او حفظی الوصیّه

ص: 17

ویلاه یغصته *** ایگطعوا رگبته

او یبگه ثلاث تیام *** جثه رمیّه

۞۞۞

(تمت)

فجیعة الهاشمیین فی التاسع عشر من شهر رمضان و لها ایضاً

لطمیّه

اللیله مصیبه اللیله *** اللیله مصیبه

حیدر تصوُب بیها *** اللیله مصیبه

۞۞۞

گال النبی تاسع عشر من رمضان *** بیها مصیبه

ینصاب حیدر بیها او بالأوذان *** او ینخضب شیبه

او جبریل ینعیه ابجمیع الأكوان *** او یعلا نحیبه

عروة الوثقی انفصمت *** عروة الوثقی

من چف اشر باغیها *** اللیله مصیبه

_________________

اللیله المصیبه تحدث ابتالی اللیل *** و اترج العالم

ینصاب ابو الحملات و ادمومه اتسیل *** ابسیف ابن ملجم

ابمسجد صلاته ایصوبه كافر اضلیل *** او یتفجّر الدم

ص: 18

دمه ایتفایض دمه *** دمه ایتفایض

و الطبرته ایشد بیها *** اللیله مصیبه

_________________

زینب اللیله حایره و ام چلثوم *** تجری المدامع

اتنادی ما ادری لیش گلبی مهموم *** و الرای ضایع

عودی اشوفه ما یسر حاله الیوم *** داخل او طالع

حیدر یودع حیدر *** حیدر یودع

هاللیله امساهر بیها *** اللیله مصیبه

_________________

هاللیله ینصاب الوصی ابمحرابه *** و الناس نومه

و الخلگ كلها تنفجع لمصابه *** او تسفح ادمومه

او جبریل ینعه بالسمه لمصابه *** انهجرت اعلومه

یهجر اعلومه اعلومه *** یهجر اعلومه

او نخسر علی ابتالیها *** اللیله مصیبه

_________________

گال النبی حب الصمیده الایمان *** او حبه عباده

و اخبر بعد تحدث مصیبه ابرمضان *** او تفجع الساده

ینصاب هاللیله علی او یالأوذان *** فوگ السجاده

یتصوب حیدر حیدر *** یتصوب حیدر

طبره او منیته بیها *** اللیله مصیبه

ص: 19

_________________

اللیله المصیبه و لا مثلها فجعه *** تحدث بلأكوان

هاللیله جبرائیل یبچی او ینعه *** عد وكت الأوذان

هاللیله املاك السمه السبعه *** گبعت بالاحزان

اللیله الفجیعه اللیله *** اللیله الفجیعه

ینطبر حیدر بیها *** اللیله مصیبه

۞۞۞

( تمت )

فی سمّ الامام الحسن (علیه السلام) السبط /خدیجه كرم نوروز

لطمیّه

خویه شیل الطشت عنی ابعجل *** خاف زینب تشوفه او تنّحل

۞۞۞

صاح ابو محمد *** حسین یبن امی

خویه زینب های *** جایّه یمّی

خاف لن اتشوف *** بالطّشت دمّی

های چبدی اقذفتها بالطّشت *** خویه شیله ابعجل زینب اجت

لا تشوفه محتمل

_________________

ص: 20

ابهالحچی او زینب *** طبّت ابلوعه

شافت ابن امها *** چبده مگطوعه

امغیّره الوانه *** او یهمل ادموعه

او لن تشوف الطّشت مملی دمه *** بید الحسین او چبده امألّمه

نادته خویه ابوجل

_________________

اشهالطّشت یحسین *** العنّی امغطیه

گلها یا زینب *** چبد أخیّچ بیه

گطّع گلبه السم *** لحگی ودعیه

هاچ شوفیه و اصبری اعلی المحن *** خویه نزلت دمه چبد الحسن

او بالطّشت گلبه وصل

_________________

سمعته زینب *** او صاحت ابعبره

آه یبن امی *** گلبی شیصبره

هذا اخوك احسین *** منكسر ظهره

چنّه دهری غدرنی یخوتی *** ریت سمّك یدور المهجتی

الموت لو یرضه ابّدل

_________________

گلها یا زینب *** صبری اعلی الهم

امگدّر اعلیّه *** آنه اموت ابسم

ص: 21

بس اخوچ احسین *** غصته أعظم

آنه مسموم و اخویه ینذبح *** او راسه ینشال علی راس الرمح

او یبگه مرمی ابلاغسل

_________________

صبری یا زینب *** و الهظم جدّام

ابكربلا اتظلّین *** امحیره ابأیتام

امیسّره اتروحین *** حرمه لرض الشام

خویه طشتین الچ اتوزعت *** هذا بیه چبدی دم اتگطعت

او ذاك بیه راس انعزل

_________________

یا هو یا زینب *** أعظم الطشتین

طشت چبدی بیه *** منجسم نصین

لو طشت بالشام *** البیه راس احسین

اگبال عیناچ یزید ایجلبه *** هذی أعظم مصیبه او نایبه

و آنه وافانی الأجل

۞۞۞

( تمت )

ص: 22

شهر المصائب

الشیخ هادی القصاب

یا شهر عاشور باچر بالحشر *** للنبی او للزهره شتقدم عذر

۞۞۞

شهنوا یا عاشور عذرك و شتگول *** للنبی المختار و الزهره البتول

ابشهرك اشصار اعله بن بنت الرسول *** بیك خلصوا یا وسف طعن او طبر

_________________

بیك ابو الیمه الغریب ابكربله *** انچتل عطشان او بگه ابحر الفله

او بیك عبداللّه الطفل من حرمله *** السهم صابه او سال دمّه اعله الصدر

_________________

او بیك یا عاشور عباس انصرع *** او كسر ظهر احسین حین اللی وگع

او جیش امیّه اعله الحرم هاج او فزع *** او ضل وحید حسین بین اهل الغدر

_________________

بیك شبل حسین طاح اعلی التراب *** امگطّع امفصّل وسافه اعلی الشباب

او ساعد اللّه حسین ابن داحی الباب *** حین شافه امگطّع ابیض او سمر

_________________

او بیك جسّام الشهم زاچی النفس *** انچتل ویلی اعلیه بأیام العرس

او شافته امه اموسد ابحر الشمس *** چن تگول اعلی الارض طاح البدر

_________________

او بیك انصار ابو الیمه و خوته *** اتذبحت و حسین ضل ابغربته

ص: 23

بین عدوانه او دمه ایهل دمعته *** او گلبه من حر العطش یسعر جمر

_________________

او بیك من طاح الحسین اعله الثره *** او جثته ابضرب المواظی اموذره

الشمر فوگه اتربع او حز منحره *** و هوه روح الهادی و الزهره الطهر

_________________

و اعظم امصاب الفلا مثله امصاب *** من لفه المیمون یصهل للاطناب

اجت زینب و الگلب من عدها ذاب *** تجر حسره او وگفت اگبال المهر

_________________

لزمته او گامت المظلومه تصیح *** وین اخویه ابیاكتر عفته طریح

یالمهر بعده عدل یو لا ذبیح *** او وین باللّه طاح گلی ابیاكتر

_________________

یالمهر وین انطی وجهی عگبه وین *** ما تگلی ابیاكتر طاح الحسین

اسمع ابواچی الیتامه و الونین *** وین اودیها و هی ابولیة كفر

_________________

یالمهر عندی بعد ما بگت روح *** عگب اخوی حسین گلی وین اروح

اشعدها هالرایات اجت لینه تلوح *** خاف یردونه العده نمشی ابیسر

۞۞۞

( تمت )

ص: 24

عن لسان فاطمة العلیله تشكوا لأبیها الحسین(علیهم السلام) الم الفراق عند خروجه الی العراق

للشیخ ناجی الچپان

لطمیّه

اتنادی العلیله اویاكم اخذونی *** یحسین یعیونی

بأرض المدینه لا تخلونی *** یحسین یعیونی

۞۞۞

امن أرض المدینه من حدی الحادی *** لن فاطمه اتنادی

ریّض لی یلّی ما الك جادی *** یا مهجه الهادی

تدری الجسم یا شعرة افادی *** امن المرض مترادی

او تندب ابونه *** خذنی اویه سكنه

بالدار وحدی لا تعوفونی *** یحسین یعیونی

_________________

حین السمعها مهجة الزهره *** وّن او جذب حسره

او ظعن الفواطم وگف للحره *** او نادتهم ابعبره

یهلی عگبكم عیشتی مرّه *** او گلبی خلص صبره

یا بویه یحسین *** وین الگصد وین

ص: 25

شعتذر عنكم من ینشدونی *** یحسین یعیونی

_________________

ابگه یبویه عگبك اذلیله *** اتنادیه العلیله

چن مال بیّه الدهر فد میله *** او جسمی انهدم حیله

و آنه علیكم یالولی ادخیله *** اخذونی اویه العیله

یا صاحب الشان *** هیّجت الاحزان

او بفراگكم هذه تتلفونی *** یحسین یعیونی

_________________

ناداها ابوها صاحب النوماس *** لا چن دلیله انحاس

بس اوصل الكوفه یتاج الراس *** ابعثلچ العباس

گالتله خافن جثّتك تنداس *** و تخون بیك الناس

بالغاضریه *** یبن الزچیه

و آنه علیكم منخطف لونی *** یحسین یعیونی

_________________

نادت یبویه و الفكر هایم *** او منها الدمع ساجم

انچان نیتك عالسفر عازم *** یا عز بنی هاشم

خلّیلی عبداللّه الطفل سالم *** چن گلبی بی عالم

ینذبح عطشان *** ما بین عدوان

او بعضیدی عبداللّه یفجعونی *** یحسین یعیونی

_________________

ص: 26

گاللها شبل المرتضی المهیوب *** او منّه الدمع مسچوب

لو عفت عبداللّه علیه اتلوب *** امّه او گلبها ایذوب

لاچن یبویه انذكرچ ابمكتوب *** گال ابن داحی البوب

او من مد ظعنهم *** و ایّست منهم

گامت تنادیهم لتنسونی *** یحسین یعیونی

_________________

طالت الفرگه فاطمه اعلیها و الدمعه تجریها

و عیونها تربی لهالیها *** او لحسین و الیها

او ما تدری یمته الفرج یلفیها *** او طارش یجی لیها

تنشد الركبان *** عن فخر عدنان

حالت الفرگه دونك او دونی *** یحسین یعیونی

_________________

ما بین ما تبچی او تهل العین *** بنت الشهید حسین

لن طارش اعرابی ابذاك الحین *** گاصد رجال الدین

طلعت تنادی فاطمه بونین *** گصدك یطارش وین

گلها للعراگ *** و تلفها الفراگ

صاحت عفه گلبی علی اظعونی *** یحسین یعیونی

_________________

نادت رساله اویاك اخذ منّی *** عانی او متعنّی

لحسین ابویه اللی مشه عنّی *** و اعلی كثر ونّی

ص: 27

او گله الدهر من عگبه محنّی *** و المرض نحلنی

او بلّغ سلامی *** لهلی او عمامی

لیش ابرساله ما یذكرونی *** یحسین یعیونی

_________________

لمّن وصل لحسین المشكر *** شبل الفحل حیدر

شافه وحید او چبدته تسعر *** من العطش و الحر

و اعله اخوته و انصاره یتحسر *** او بی حایط العسكر

ناده یمظلوم *** و الگلب مالوم

امن ارض المدینه اوصیه وصّونی *** یحسین یعیونی

_________________

عندی رساله من ارض طیبه *** یا صاحب الهیبه

فاطمه اتنادی طالت الغیبه *** و حسین شیجیبه

یحسین عگبك ظلّت ابریبه *** او من عظم المصیبه

تعتب علیكم *** او تتربّه لیكم

و تگول یمته احبابی یلفونی *** یحسین یعیونی

_________________

من سمع بیها مهجة الكرار *** سالت ادموعه اعبار

فاجد اخوته او فاجد الانصار *** او منّه الفكر محتار

یابویه ما تدرین بینه اشصار *** ما بین هالكفار

او صاحت الحره *** زینب الكبره

ص: 28

اشبیها الرساله ما تخبرونی یحسین یعیونی

_________________

گلها یخویه لا تنشدینی *** او بهمومی خلّینی

اكتاب العلیله هیّج اونینی *** او لجله اهملت عینی

طارشك یمته اتگول یلفینی *** او فرگاك ماذینی

سمعت العیله *** اعتاب العلیله

یهلی تگلهم خابت اظنونی *** یحسین یعیونی

_________________

بالوجل ظلّت بت حلیف الزود *** او منها الگلب ممرود

و تنادی یمته نور عینی ایعود *** او مادرت بی مفگود

و المرض بالیها او منّه اتجود *** او تندب یبحر الجود

لن طیر الاحزان *** امخضّب الجنحان

و ینادی گبلك ریت ذبحونی *** یحسین یعیونی

۞۞۞

( تمت )

فی هلال المحرّم /للشیخ هادی القصاب

لطمیّه

هالشهر یحسین *** جره دمع العین

ص: 29

بی ذكرنه امصیبتك *** یا شبل حیدر

۞۞۞

یا غریب الدار *** احسین یا مظلوم

شهر المحرّم *** هل علینه الیوم

عن المصایب *** لفت لینه اعلوم

او غدت علی الوجنات *** تهمل العبرات

او بچه الكون الحالتك *** یا شبل حیدر

_________________

اهلال یا مظلوم *** بالمصیبه ایلوح

بی هظم و احزان *** بی بواچی او نوح

سیدی امصابك *** بچه حتی اللوح

او عطّل الافلاك *** وافجع الاملاك

او بگت تصرخ شیعتك *** یا شبل حیدر

_________________

هالشهر یحسین *** اهلاله بس یظهر

امصایب او احزان *** بیه نتصور

او بی یبوا الیمه *** انگوم نتذكر

وگفتك ما بین *** اصفوف المیادین

اشلون چانت وگفتك *** یا شبل حیدر

_________________

ص: 30

اوچبت یحسین *** بین عدوانك

او وگفت اعیالك *** ابباب صیوانك

تعاین الحالك *** او تبچیِ رضعانك

و العده ایشوفوك *** ضامی میرحموك

او نار تسعر چبدتك *** یا شبل حیدر

_________________

اوچبت و علیك *** تنحب الاملاك

او یبچی لمصابك *** عالم الافلاك

او لا اهتمّت بیك *** یبو الیمه اعداك

اتشوفك ابهالحال *** او تسمع الاطفال

اتلوع كلها ابخمیتك *** یا شبل حیدر

_________________

و الاشد من های *** اوچبت یحسین

بین عدوانك *** او شافتك صوبین

طفلك ابیمناك *** او تجری دمع العین

اتنادی بالجیمان *** هالطفل عطشان

او لا اجابوا نخوتك *** یا شبل حیدر

۞۞۞

( تمت )

ص: 31

فی شجاعة مسلم بن عقیل (علیه السلام) /للشیخ الدیراوی

لطمیّه

مسلم ابكوفان *** خانته العدوان

گلبه من حر العطش *** یلتهب نیران

۞۞۞

ظل وحید ابین *** گوم عدوانه

وین عنّه حسین *** یطفی نیرانه

یهل دمع العین *** او روحه حزنانه

و ینكم یهل الشیم *** یا بنی عدنان

_________________

فكرّ الصندید *** و الدّمع جاری

اشلون و آنه اوحید *** تنطفی ناری

عن حسین ابعید *** او لا هلی او داری

بین گوم اهل الغدر *** حایر او عطشان

_________________

كون شربت مای *** تحصل ابهالیوم

بیها ابرد احشای *** چا تشوف الگوم

صارمی ابیمنای *** و العزم معلوم

چان من دّم الكفر *** سالت الودیان

ص: 32

_________________

عمّی حامی الجار *** كلهم اشهوده

للنبیِ المختار *** ضحه بوجوده

و آنه اله تذكار *** زودی من زوده

الیوم كون افدی العمر *** لبن عالی الشان

_________________

لو تجی الصوبین *** او لو عله الصایح

تفر عنّی امنین *** هاذ انه الرابح

جیت احامی الدین *** و الهدف واضح

و اكتب ابدم رگبتی *** للشرف عنوان

_________________

ریت ابو السجاد *** حاضر ایشوفه

اشلون مسلم راد *** یگلب الكوفه

و العدد لوازد *** طشّر اصفوفه

خلّه ضجّه ابكل كتر *** یالردت برهان

۞۞۞

( تمت )

ص: 33

(اشرب مدامعنا ابا الشهداء) /للشاعر المرحوم عبد الله الروازق

لطمیّه

(یحسین اشرب مای اعیونی)

۞۞۞

یا من عودك راعی البیعه *** لجلك عز الروح انبیعه

انته الوصّیت ابهالشیعه *** عد شرب المای اتذكرونی

_________________

للمای الشیعه من تشرب *** خل تذكرنی او لجلی تنحب

چالنار ابدلالی تلهب *** عالمای او عنّه ایمنعونی

_________________

یبن الزهره او سبط الهادی *** المدمع لمصابك میجادی

من مثلك ضل ظامی اینادی *** یا گوم امن المای اسجونی

_________________

مفرد حاطت بیك العسكر *** گمت اتنادی او گلبك یسعر

جدی الهادی او عودی حیدر *** كلكم یا گوم اتعرفونی

_________________

آنه ابن الدین او هادیه *** شلكم یا هالگوم اعلیه

ظامی او ما تسجونی امیه *** و من اظمای اتغیر لونی

_________________

چبدی انفت و تغیر حالی *** و تلوع اعله المای اطفالی

ص: 34

شلكم من دین اعله اعیالی *** لو چنتوا ابثار اتطلبونی

_________________

جدی المختار اتعرفونه *** ابیاثار او دین تطلبونه

او طفلی عطشان اتذبحونه *** او ما یالجیمان اترحمونی

_________________

ضل احسین ایدیر اعیونه *** ایرید امیّه او ما ینطونه

اینادی و الگوم ایسمعونه *** لو چنتوا اسلام اتنصرونی

_________________

رد حسین ایحشم انصاره *** او ما بین احشا شبّت ناره

گلها ابن الیحمی جاره *** لیش انخاكم متسمعونی

_________________

های اعدای استافت منی *** او منكم یكرام ایس ظنی

اشلون البین ابعدكم عنی *** او مفرد بالطف خلیتونی

_________________

یصحابی او یلیوث الغاره *** وحدی او ما ظلت لی چاره

های العدوان الغداره *** اتجدّم للموت اینادونی

_________________

آیحسین امصابك یسعر *** بالدّلال الیوم المحشر

یحسین ابچیك ابدم احمر *** حتی ادموعی اتجرح اجفونی

۞۞۞

( تمت )

ص: 35

فی حالة العلیلة فاطمه بنت الحسین (علیه السلام) بعد فراق ابیها و عمومتها و اخواتها /للشاعر الشیخ هادی القصاب

لطمیّه

اهنا یهالیها *** من یباریها

هالعلیله البلوطن *** لیش عفتوها

۞۞۞

اهنا یولیاها *** ابهالعلیله اشلون

عنها فد غیبه *** كلكم اتغیبون

هم بعد لیها *** الیثرب اتعودون

شوفوا حالتها *** شوفوا غربتها

بالهظیمه و المحن *** لیش عفتوها

_________________

بگت لیل انهار *** تجری دمع العین

كل مسه او مصباح *** تنشد او كل حین

او لا یصح واحد *** ایگلها بیكم وین

او ترد مهظومه *** او تضل مالومه

او ینگطع منها المظن *** لیش عفتوها

_________________

ترجع الحره *** وهیه منهظمه

الدار ولیاها *** الچانت امخیمه

ص: 36

اتشوفها هالدار *** موحشه او ظلمه

وحش نادیها *** او لا اخو بیها

و المصابیح انطفن *** لیش عفتوها

_________________

او تبگه مهظومه *** او بالهظیمه اتبات

و اعله اهالیها *** تجذب الحسرات

او بیهم اتحسب *** او تهمل العبرات

العین سهرانه *** او هیه نحلانه

اولا یطیب الها الوسن *** لیش عفتوها

_________________

و الصبح لو صار *** تطلع الحره

علی الدرب تگعد *** تسچب العبره

الجای و الرایح *** لمّن اتنظره

تومی بیدیها *** او یعتنی لیها

او منه تنشد عالظعن *** لیش عفتوها

_________________

مر علیها یوم *** و هی ابها الحاله

او لن تصد واحد *** ابظهر الخیاله

گامت الحره *** او صارت اگباله

او صاحت ابونه *** باللّه ریض النه

ص: 37

اهروش گلبی اتگطعن *** لیش عفتوها

_________________

من سمعها اندار *** و اعتنه یمها

او گامت اتكلمه *** و هو ایكلمها

اتگله او عنده *** تشتچی همها

باللّه وین اترید *** گاطع ابهالبید

للعراگ اترید اظن *** لیش عفتوها

_________________

گلها یالحره *** نیتی هیّه های

للعراگ الیوم *** وجّهت منوای

اشعندچ احچیلی *** آنه رایح جای

گامت الحره *** تجذب الحسره

و الدموع اتهاملن *** لیش عفتوها

_________________

او ردت التفتت *** و الدمع سچاب

باللّه یالراچب *** اویاك اخذلی اكتاب

او سلّم اكتابی *** لخوتی الاطیاب

او گلها لو طبیت *** امن العلیله جیت

اعیونها اعلیكم عمن *** لیش عفتوها

_________________

ص: 38

اخذ خطها او راح *** یطوی ذاك البید

او من وصل للطّف *** عاین امن ابعید

شاف ابو الیمه *** بالطفوف اوحید

انكسر گلبه اعلیه *** او گصد بالخط لیه

لجله عبراته جرن *** لیش عفتوها

_________________

لمّن المظلوم *** عاین المكتوب

امصاب فوگ امصاب *** اعلیه صار النوب

او گام یقره بیه *** و الدمع مسچوب

او لنه بیه اعتاب *** اشد كل اصواب

گلبه من عنده انطعن *** لیش عفتوها

۞۞۞

( تمت )

فی غربة مسلم بن عقیل (علیه السلام) فی الكوفه /الشیخ محمد سعید المنصوی

لطمیّه

مسلم غدرته الگوم *** وین اهله او عمامه

طارش ما حصل یوصل للحسین *** وین اهله او عمامه

۞۞۞

ص: 39

عنّه اتفرّگت كل اهل كوفان *** وسفه او بگه ابحیره

یمشی ابلیل وحده ابین عدوان *** ما بیها الیجیره

هل الدمع عالوجنات غدران *** و اتمنّه العشیره

تایه یصفج الیسره بالیمین *** وین اهله او عمامه

_________________

طشّت كل أهل الكوفه بالبلاد *** مسلم یدورونه

مفرد و الهواشم عنه ابعاد *** ما تدری اشلونه

حیله امن العطش و امن التعب باد *** ما بین الخئونه

او لا یدری الطریج الینجی امنین *** وین اهله او عمامه

_________________

ظل یا ویل گلبی اعلیه محتار *** ما یندل طریجه

یحچی اویه النفس و یدر الافكار *** چاشنهی النتیجه

گابل باب طوعه او صار ما صار *** من سمعت نشیجه

طلعت لیه اتنادی الواگف امنین *** وین اهله او عمامه

_________________

گلّی امنین یالواچف علی الباب *** جیتك هالمسیّه

گاللها او دلیله امن العطش ذاب *** دسجینی امیّه

جابت له او گالت رد الجواب *** چنت ابیا نویّه

جر حسره الشفیّه او هملت العین *** وین اهله او عمامه

_________________

ص: 40

جر حسره او نشدت وین الأدیار *** ونتك هیّجتنی

گاللها المدینه احمایة الجار *** هالنّشدة اصدعتنی

گالت وین گصدك گال خطّار *** و الظلمه خذتنی

اسواد الیل عندچ ما تضیفین *** وین اهله او عمامه

_________________

حنّت من گلب مجروح بالهم *** حین اللی اسمعته

او نظرت لیه و العینیین تسجم *** او ردت و نشدته

خاف انته ابن اخو الكرار مسلم *** ناده او جذب ونته

مسلم هذا انه او لا عندی امعین *** وین اهله او عمامه

_________________

گالت له اتفضَّل و ادخل الدار *** اهلاً یا ضیا العین

طوعه آنه او وصیفة حامی الجار *** و المسموم و احسین

طبّ الدار مسلم و الگلب نار *** یسجر للمجبلین

او لا واحد نده یالهاشمّیین *** وین اهله او عمامه

_________________

بات اللیل عدها او صبحت الخیل *** ترجد من وره الدار

او گام الها ابعجل نسل البهالیل *** و مجرّد البتار

او طوعه اعلیه تندب آه وا ویل *** وحدك بین كفّار

های الخیل های الزلم صوبین *** وین اهله او عمامه

_________________

ص: 41

سل سیفه او گام ایحصِد بالگوم *** من صوّل علیها

منّه الفر نجه و الوگف معدوم *** چن ما صار بیها

اتهلهل طوعه نوبه او نوبٍ اتحوم *** حیرانه اشبدیها

اتنادی وین ابوفاضل ابها الحین *** وین اهله او عمامه

_________________

یا وسفه ضعف حیله الضرغام *** من كثرة اجروحه

شی بحجار شی ابنار ظلاّم *** و ابسیفه الیلوحه

و امن العطش و اجروحه و الألام *** ویلی افغرت روحه

او تالی الوكت غدروه الملاعین *** وین اهله او عمامه

۞۞۞

( تمت )

حمیدة بنت مسلم (علیه السلام) تشكوا فراق ابیها الی عمها الحسین (علیه السلام)/ للشاعر الشیخ هادی القصاب

لطمیّه

والدی یحسین *** وین غایب وین

اعلینه طالت غیبته *** هم یرد لینه

۞۞۞

اتوجهت لحسین *** طفلة المفگود

تسچب العبرات *** و الگلب ممرد

ص: 42

اتصیح یا عمی *** اخبرنی عن العود

ما تجیك اخبار *** وین مسلم صار

اخلاف هذی سفرته *** هم یرد لینه

_________________

من اهد ما غاب *** والدی للیوم

ما غمض جفنی *** او لا علیه مرنوم

لیش من عنده *** ما تجینه اعلوم

الدنیه ویّانه *** تدری خوانه

خاف لنها خانته *** هم یرد لینه

_________________

لون چان النوم *** العینی یتعنه

چا گلت عودی *** ابطیف اشوفنه

لچن حین الغاب *** و ایست منه

احرمنی یا مظلوم *** حتی من النوم

و ایّست من شوفته *** هم یرد لینه

_________________

من هظم فرگاه *** او من سهر لیلی

عمین عیونی *** و انهدم حیلی

باللّه یا عمی *** ابحاله احچیلی

عودی راعی الزود *** هم یجی و یعود

ص: 43

ظنی خاب ابجیته *** هم یرد لینه

_________________

شفت یا مظلوم *** واحد اتعناك

اوچب اگبالك *** او گام یحچی اویاك

او من غده ایحاچیك *** تنتحب خلاك

باللّه هالخیّال *** من لفاك اشگال

راح یجذب حسرته *** هم یرد لینه

_________________

و الأشد من های *** كلها یا ضرغام

ما شفت منّك *** یوم بالأیام

تصنع اویایه *** اسوایّت الأیتام

و آنه یا حمّای *** اتوجلت من های

و اذكرت عودی الفته *** هم یرد لینه

_________________

ابیا خبر لیّه *** جیت متعنی

اخبرنی یا عمّی *** اتیتمت چنّی

یا وسافه راح *** والدی منی

من یسلینی *** من یبارینی

آه یبویه او غربته *** هم یرد لینه

_________________

ص: 44

راح من ایدی *** راح ابویه راح

كل عمامی های *** اسمع الها اصیاح

اشینفع ابچاها *** و شیفید انیاح

ظل غریب الدار *** او مدری بیه اشصار

لاهله او لا اخوته *** هم یرد لینه

_________________

یعم كل طفله *** من اصد لیها

ابعینی انظرها *** ابحضن والیها

امدلله ابجاله *** امخیم اعلیها

و آنه اضل وحدی *** او لا ولی عندی

افجعنی عودی ابچتله *** هم یرد لینه

_________________

من سمعها حسین *** صفگ بچفوفه

صاح و امن العین *** العبره مذروفه

والدچ مسلم *** خانته الكوفه

لیش حزنانه *** والدچ آنه

ارد عنچ وحشته *** هم یرد لینه

_________________

یاضوه اعیونی *** بطلی لا تبچین

اشبیدی عالمحتوم *** والگدر و البین

كل عمامچ های *** یمی موجودین

عگب ابوچ انتی *** ما تیتمتی

ص: 45

الدهر تالی ابعزته *** هم یرد لینه

۞۞۞

( تمت )

فی نزول الحسین (علیه السلام) فی كربلاء /للشاعر الشیخ صادق رحمة اللّه

لطمیّه

مهجة الزهره الزچیه *** نزل بأرض الغاضریه

۞۞۞

مهجة الزهره او چبدها *** او نور عیناها او ضمدها

ابكل هله أرض الطف گصدها *** شبل حمای الحمیّه

_________________

سار ابن سید البرایه *** ابكل هله امنشر الروایه

او تسری ویاه المنایه *** كل صباح او كل مسیّه

_________________

حیف ابن سید رسلها *** حاطته جیمان امیّه

حاطته من كل جبیله *** افزوع و اسربها ثجیله

_________________

اترید نور اللّه اللامع *** لبن مرجانه یبایع

سدت اعلیه الشرایع *** حرمله او ترثت حویّه

ص: 46

_________________

سدت اعلیه الشریعه *** كون نیتها تریعه

حاشه ابن سید ربیعه *** ایبایع اولاد الدعیّه

_________________

گام ابن سید عربها *** او حشم انصاره او خطبها

چشف نیتها او شربها *** او شافها ابشوگ المنیّه

_________________

او رد نده وین النشامه *** ابوالفضل هوه او عمامه

ركضوا الصوته او كلامه *** او مشرعین السمهریّه

_________________

صاح یشبول الضواری *** اتفرقوا ابهذی البراری

انتم او باجی انصاری *** الگوم جیتهم علیه

_________________

گاموا اشبول الهواشم *** واشهروا بیض الصوارم

او رموا علی الگاع العمایم *** وانتخوا بالهاشمیّه

_________________

احسین یا عزنه او ولینه *** لو جفیناك و مشینه

ما تگول الناس بینه *** های ما هی النه سجیّه

_________________

لمّن نیة الكل عرفها *** شافها امجدم حتفها

ص: 47

صاح وادموعه ذرفها *** راشده او سفره النیّه

_________________

لكدوا او شنو الغاره *** او عمر میدان المعاره

لمّن العج عله اغباره *** او غیّب الشمس المضیّه

_________________

انشاء اللّه الیوث الحرایب *** شمروا شگر الذوایب

و التِوَت كل الكتایب *** هوت موته اعلی الوطیه

_________________

حاطوا سربها او چفوها *** و الملازم گوموها

و الشریعه ابعز ولوها *** او للشرب نزلو سویه

۞۞۞

( تمت )

الحر الریاحی یخیّر نفسه بین الجنة و النار /للشاعر الشیخ هادی القصاب

لطمیّه

وگف بین الگوم *** ینظر المظلوم

او یسچب الحر دمعته *** من نظر حاله

۞۞۞

ص: 48

لمّن اعله احسین *** دارت الجیمان

او گامت اعیاله *** تبچی بالصیوان

الحر وگف حایر *** ینظر العطشان

ایعاین امصابه *** او عینه سچابه

او لجله ذابت مهجته *** من نظر حاله

_________________

ضعف حیله او راح *** زوده او عزمه

و انمرد چبده *** الحال ابوالیمه

او گام بالحومه *** یرتعد جسمه

و انخطف لونه *** او هملت اعیونه

علی الغریب او عیلته *** من نظر حاله

_________________

واحد امن الگوم *** من تفكر لیه

یرتعد جسمه *** او عزم ما ضل بیه

دار بعیونه *** لیه او صاح اعلیه

او گام بالحومه *** الفارس ایلومه

او منه حارت فكرته *** من نظر حاله

_________________

صاح یالحر بیك *** ما تگلی اشصار

ترتعد و انته *** الفارس المغوار

ص: 49

اتخاف من حسین *** لو من الانصار

انچانك هالحین *** خایف امن حسین

الجیش امّن سطوته *** من نظر حاله

_________________

من سمع صد لیه *** و الدمع همّال

او گله حاشه ارتاب *** من حرب و ابطال

لچن شفت حسین *** صایر ابهالحال

ما تشوف الیوم *** حالة المظلوم

بچه الكون الغربته *** من نظر حاله

_________________

دار الخیاله *** او راح یم احسین

شابچ العشره *** او یجری دمع العین

او صاح یا مظلوم *** جیتك ابهالحین

منك اتعذّر *** یا شبل حیدر

او گام یجذب حسرته *** من نظر حاله

_________________

سیدی آنه *** الجعجعت بیكم

او جیت متندم *** او داخل اعلیكم

انتو اهل الجود *** و الگصد لیكم

ما تخیبونه *** او ما تخجلونه

ص: 50

او دنگ او حب یمنته *** من نظر حاله

_________________

لمّن المظلوم *** عاینه ابهالحال

انكسر گلبه اعلیه *** او دمعه علی الخد سال

او رفع راسه لیه *** او جذب حسره او گال

اللّه ایجازیك *** ابرحمته او یهدیك

او قبل عذره او توبته *** من نظر حاله

_________________

او گله دوك انزل *** من علی المیمون

صاح یا مظلوم *** انزل آنه اشلون

سیدی ارخصنی *** خل اشد علی الگوم

گلّه العطشان *** دونك المیدان

و ارخصه او جر ونته *** من نظر حاله

_________________

دار میمونه *** و اعتنه المیدان

او گام للابطال *** ایذبها علی التربان

تالی یا ویلاه *** اتولته العدوان

و اهدروا دمه *** او جاه ابوالیمه

او ذاب گلبه الچتلته *** من نظر حاله

۞۞۞

( تمت )

ص: 51

فی رثاء حبیب ابن مظاهر الاسدی /للخطیب ملا عطیة الجمری

آه واویلاه لحسین و مصابه

بیرق حبیب ایلوح مرحبا ابشیاله

ایرفرف علی احصانه او عین اللّه تبری له

۞۞۞

اینادی یبو السجاد یا مگصد اللّاجی *** یا نور كل الكون فی لیلة الداجی

جیت ارد اخضب الشیب من جاری او داجی *** و اللّه لجدد یوم صفین و اهوا له

_________________

عفت الحیات او جیت یا ابن النبی لجلك *** كلنه یعزنه انروح فدوه الشسع

نعلك

بالخلگ یا مظلوم ما ینوجد مثلك *** و الفاجر ابن ازیاد حشّم لك

ارجاله

_________________

من الخبا طلعت زینب المحزونه *** اتنادی یجاسم روح خل عمك

ایجینه

ص: 52

او لن البطل عباس و العلم بیمینه *** مثل الأسد و السیف مشهور

بشماله

_________________

گالت حبیب اللیث بلغوا كلامی له *** او گله الشهید احسین گلت

رجاجیله

او حمل الثجیل ایرید عزوه تره اتشیله *** او خصه ابسلامی التام و اسئل عن

احواله

_________________

وصلت رسالتها او هل الدمع جاری *** اتسلّم علی زینب و اشعظم مقداری

خر للثری اینادی او زند الحزن واری *** و اگبل علی الخیمه بدموع هماله

_________________

سلّم علیها او صاح صبری الهالمصیبه *** عندی خبر میشوم ما یمكن احچی به

كل الذی یجری من حیدر ادری به *** اللّه یعینچ چان صار الذی گاله

_________________

گالت دخبرنی ابجاه امی الزهره *** گلها تنظرینه كلنه علی الغبره

و انتی علی الناگه بین العده حسره *** متحیره بعلیل خیچ او بطفاله

۞۞۞

( تمت )

ص: 53

الحواراء زینب(علیها السلام) تشكوا حالة العطش الی اخیها ابالفضل العباس(علیه السلام) /للشاعر الشیخ هادی القصاب رحمة اللّه

لطمیّه

عیالك امن الظمه *** یبن حامی الحمه

اتحشمك بالخیم *** گوم رف العلم

یبن حامی الحمه

۞۞۞

طعت امن الطنب *** و المدامع تهل

زینب امحیره *** و الفكر منذهل

و عتنت للولی *** او بین ایدیها الطفل

او گامت اتكلّمه *** او تبچی و تحشمه

هالطفل یالگمر *** خویه گلبه انفطر

یبن حامی الحمه

_________________

ابخیمتی یالولی *** خویه لمّن چنت

گصدت ام الطفل *** لیه و آنه شفت

حالته امن الظمه *** او سال دمعی او حرت

ابگیت متألمّه *** او بیه متوهمه

خویه مات الطفل *** مدری بعده عدل

یبن حامی الحمه

_________________

ص: 54

ابگیت متحیره *** و علی امری التبس

التفت للطفل *** الطفل مابی نفس

التفت للثدی *** الثدی امن الحریبس

امه متوزمه *** اترضعه بمخیمه

اترضعه بیمن بعد *** ابیا ثدی یالضمید

یبن حامی الحمه

_________________

حالة ام الطفل *** گطعت چبدتی

و هی التفتت الی *** اتگلی یا سلوتی

شوفی حال الطفل *** یختی او حالتی

خل یبت فاطمه *** العمه انسلمه

الحاله خل یلتفت *** و آنه لیك اگصدت

یبن حامی الحمه

_________________

خویه یازی الصبر *** الصبر ما ینحمل

احنه نحمل عطش *** لچن هذا الطفل

لو بگه ابهالظمه *** خویه میضل عدل

المشرعه املزمه *** اعلینه و محرمه

و انته یا هالبدر *** للنوایب ذخر

یبن حامی الحمه

_________________

ص: 55

و البطل من سمع *** بت علی لامته

نبط عرگ الغضب *** بی و اخذ رایته

او لبوالیمه اعتنه *** او طب لعد خیمته

او بیده سل صارمه *** فارس المحلمه

او صاح خویه او یهل *** دمعه شوف الطفل

یبن حامی الحمه

_________________

و اللّه یا سیدی *** عندی ما ضل صبر

گلی شصبر بعد *** علی الهظم هاكثر

ارخصنی خل اعتنی *** للحرایب و اكر

گلبی یگطر دمه *** او نار بی مظرمه

اقسم ابخوتی *** لا ترد نخوتی

یبن حامی الحمه

_________________

اطفالك امن العطش *** تهلك او عیلتك

و الطفل بالمهد *** یصرخ ابخمیك

و النهر ینوخذ *** لا وحگ خوتك

الگوم متقدمه *** او كلها متحزمه

خل اشد علی الحرب *** عندی ما ضل گلب

یبن حامی الحمه

_________________

ص: 56

اعلیه طاح الگمر *** غده ایحب یمنته

او لیه لمّن نظر *** حسین هل دمعته

صاح لاچن علیه *** بینت غربته

الگوم متلملمه *** و آنه ابموزمه

شلون یا سلوتی *** اتعوفنی ابغربتی

یبن حامی الحمه

۞۞۞

( تمت )

فی مصرع العباس (علیه السلام) و مجیئ الحسین (علیه السلام)

طاح ابوفاضل علی الگاع *** یجاذب ونته

او جاه اخوه حسین فزاع *** یككف دمعته

۞۞۞

اشحال گلب احسین لمّن *** نظر حالات العضید

یون دامی امطبّر اطعین *** علی حر الصعید

بالنفس ویلی یجود *** راسه مفضوخ ابعمود

آه مگطوع الزنود

ص: 57

و السهم نابت ابعینه *** و یعالج نزعته

_________________

صاح ابو اسكینه او بالخدود *** دمع عینه یصب

من طبر راسك بالعمود *** یسردال الحرب

من لی اچفوفك گطع *** یا عمد بیتی الوگع

شوفك الگلبی صدع

وانحنت منی الأضلاع *** او چبدی امفتته

_________________

چبدی انفتت او ظهری *** انكسر گلبی و نچوه

گلِّ صبری و عفت عمری *** یشیال اللّوی

لیش یا لیث الشری *** نایم ابحر الثری

گوم للسیف اشهره

خیك امحیّر یمنّاع *** و عادی حاطته

_________________

حاطت اعلیّه الكفر *** كل كتر بیض او سمر

و الحرم تبچی او تحن *** بالخیم لك تنتظر

ص: 58

گوم یا سبع الرجال *** سكنه اتحث السئوال

عنك و كل الأطفال

یابه عمی لیش للساع *** امطول غیبته

_________________

گله یا زهرة زمانی *** او یروحی او سلوتی

خویه خلینی ابمچانی *** اموت ابحسرتی

مگدر الخیمات اروح *** یمتلی گلبی جروح

من اری سكنه تنوح

و انظر الطفل البلرضاع *** یجاذب ونته

_________________

والوی بیده اعلی عضیده *** الشهید ایودعه

ایشمه او یلثم اوریده *** او تحنّت اضلعه

او دم دمع عینه جره *** او نار گلبه اموجره

وسّد اعضیده الثری

او فارگت روحه او علی الگاع *** تدلت رگبته

۞۞۞

( تمت )

ص: 59

لكُلِّ بَطَل هاشمی /للشاعر الشیخ عبدالساده الدیراوی

لطمیّه

جرد السیف او لاح اخیالته *** و الاعادی انطوت من شافته

۞۞۞

من نزل للكون *** ثگبّ ارعیده

صاح انه المعلوم *** و العلم بیده

ما یهاب الموت *** و الحرب عیده

چالأسد هاج علی الوادی او عله *** فرت الگوم تخاف اتجابله

حیه الدین ابسطوته

_________________

رایة المختار *** اجت عالعاده

من علی الكرار *** ورث لولاده

و البطل بالكون *** مثّل امجاده

گامت الگاع تموج امن الدمه *** صاحت ادخیل یبن حامی الحمه

او من نزل ما عرفته

_________________

ص: 60

ماجت الجیمان *** من وصل لیها

چن صگر بالكون *** حوّم اعلیها

فرت امن الخوف *** طبگ تالیها

غدت لو هاج من اتشوفه تحم *** صاحت ادخیل یطاعون الزلم

خز گلبها ابصیحة

_________________

شبل حامی الجار *** مرحبه او نعمین

من تجی الكلفات *** بی تگر العین

عاد للكرار *** حملته ابصفین

هالاسد چان شبل ذاك الاسد *** غبّر الكون مثل عوده الولد

و الطلایع هابته

_________________

صوّل اعلی الخیل *** چالأسد لو هاج

و الفزع من شاف *** ضرب سیفه لاج

ماجت الصوبین *** یوم رمحه ماج

من هجم صار عجاج او ضغبره *** او من دمه الگوم بحر بالطف جره

و الملازم غایته

_________________

بیش او صف الحید *** حرت بوصافه

قدّم المجهود *** و العمر عافه

ص: 61

رحّب المیدان *** بیه من شافه

حوّم او گام یرف بیده العلم *** یدفع الضیم عن احدود الخیم

من توّسط خطّته

_________________

من نزل للكون *** صارت الضجه

ما بگه للگوم *** مفر لا منجه

تاه منها الرای *** ضیعت الملجه

ظلت اتموج رعب ذیچ العده *** شافت الموت حلیف امهند

و المنایه ابطاعته

۞۞۞

( تمت )

فی شجاعة العباس (علیه السلام) /للشاعر الشیخ باقر الشیخ حبیب الحلی

لطمیّه

صوّل العباس *** او سیفه بیمینه

او گامت العمها *** اتهلهل اسكینه

۞۞۞

گامت اتهلهل *** سكنه للعباس

ص: 62

او ذبت المعصب *** عد شدید الباس

تبچی و تحاچیه *** و اهی امهبطه الراس

اتگله یا عمی *** العطش ضد بینه

_________________

ایگلها انه عیناچ *** سكتی لا تبچین

و الكوفه و الشامات *** من تصك صوبین

كون اجیب المای *** ای و ابوچ احسین

آنه حی و المای *** ما تشربینه

_________________

اتگله یا عمی *** العطش فت احشای

الی اثلث تیام *** ما شربت المای

و آنه اجیت انخاك *** یا عجید الرای

خایفه امن اتروح *** تبطی اعلینه

_________________

انكسر گلبه الها *** او هلن اعیونه

ایگلها ادری المای *** میة الف دونه

لاچن اعلیه *** ما یمنعونه

بس الوح الغوج *** بینچ او بینه

_________________

و گف یم احسین *** واجه ایحب ایده

ص: 63

ایگله درخصنی *** العمر ماریده

شافه ابو الیمه *** او حن علی اعضیده

او دمعته المظلوم *** لاجت ابعینه

_________________

ایگله یا عباس *** خویه وین اترید

ایگله للمیدان *** و ارد اطب هالوید

ایگله چیف اتروح *** و آنه اضل اوحید

خایف ابممشاك *** ما ترد لینه

_________________

طلب رخصه او صال *** مشهر الصمصام

طشّر اسربها *** الفارس الضرغام

لف روایاها *** او علی الملازم حام

یشگ صفٍ صف *** او یلگط العینه

_________________

یلگط اعنیها *** او ذل مسامیها

چنّه من اجبال *** حدّر اعلیها

یشبه اسرافیل *** من صرخ بیها

یا وسافه او حیف *** محد ایعینه

_________________

وحده ابوفاضل *** عارك الجیمان

ص: 64

مله الجود او رد *** رغم علی العدوان

صاحت العاده *** اعلوج اهل كوفان

او من وره النخله *** گطعوا ایمینه

_________________

الیمینه گطعوها *** او ثنّوا ابیسراه

او مزقوا جوده *** بالسهام اعداه

او هامته انفضخت *** بالعمد ویلاه

ضعف حیله او طاح *** لیث العرینه

_________________

جاه ابو الیمه *** او مگصده ایشوفه

علی الشریعه الگاه *** مگطعه اچفوفه

سابح ابدمه *** او روحه مخطوفه

او سهم ابن كاهل *** نابت ابعینه

۞۞۞

( تمت )

ص: 65

محاوره بین حبیب و الانصار

(لبعضهم)

فی حدی

ابن مظاهر ابگومه خطب

او گصده ابنظرهم یستسر

۞۞۞

باچر ابعدنان او مظر

تشبچ معاره اوی الكفر

_________________

اتخلون سادتنه تطب

لواحنه بالاول نكر

_________________

اشبیها یبن ظاهر فخر

لو فاتنه هذا الامر

_________________

عفنه الحلایل و الوطن

علی الموت دون ابن الطهر

_________________

لمن صبح ذاك الصبح

گامو الحرب اهل الغدر

_________________

لاچن تعرضها البدر

شایل البیرغ و یهدر

_________________

عباس نادی ابهمهمه

رد یبن ظاهر لا تجر

_________________

ص: 66

اگطع یا بن ظاهر ابد

هل یوم ما یمچن عذر

_________________

الحمل من یثگل هله

تتنومس او بیه تبتصر

_________________

ناداه یا ضنوة علی

یا من لبو الیمه ذخر

_________________

احنه الضیوف ابشیمتك

نرجاكم ابیوم الحشر

_________________

ارخصهم او طبوا طبگ

و تلاگوا ابطعن او طبر

_________________

لمن گضوا دون الفحل

و تردوا ابثوب الصبر

_________________

ضل من عگبهم ینتخی

و علیه ما واحد نغر

_________________

او لن المحدد بالگلب

مطلعه صار امن الظهر

_________________

صابه او تگنطر علی الثره

او نالت بنی میّه الظفر

_________________

و خیول ابن سعد الرجس

داست یویلی اعلی الصدر

_________________

ص: 67

عگبه لعد زینب لفوا

یردونها تمشی ابیسر

_________________

التفتت النهر العگمی

او نادت یبوفاضل یحر

_________________

انت الجبتنه من الوطن

چیف الذی ایردنه زجر

۞۞۞

( تمت )

للشاعر السید علی الهاشمی

رحمة اللّه

فی حدی

سكنه لعد عمها لفت

راعی الحمیه او نادته

۞۞۞

انتحبت ابوجهه و اشتچت

عنده او دمعها هلّته

تدریه ما یرضه تذل

سكنه او تقبل غیرته

عنده اشتكت حال الحرم

او حال الرضیع او لوعته

و من العطش گلبه انفطر

و الطفل ذابت چبدته

لمن سمع شبل الفحل

سكنه ابضماها لامته

ص: 68

سل المذهب و انتهض

و الغضب لاح ابگصته

و الجود زمّه علی المتن

او هلهلت سكنه الگومته

و اعلی المهر حین العله

گامت ترفرف رایته

شد علی الجمع خله الفزع

سبعین الف ما نحرته

ابسیفه شرگ طوس او درگ

و افنه الجموع ابلكدته

لمن وصل للعلگمی

او بی نزل یترس جربته

بیده غرف مای او ذكر

سكنه ابد ما ضاگته

ذبه او مله جوده او ظهر او للخیم صارت نیته

حاطت علیه ذیچ الحزم

او عاگه الگدر عن ردته

او سهم العده الجوده فره او گطعوا یمینه او یسرته

و بسهم صابه حرمله

او بالعمد طرّوا هامته

۞۞۞

( تمت )

نعی مجارید عن لسان زینب (علیها السلام)

آنه بشدّه طحت و اشلون شدّه

الیطگنی ابصوطه ما واحد یردّه

الیردّه اعله النهر مگطوع زنده

۞۞۞

( تمت )

ص: 69

خویة یا راعی العلم /الشیخ عبدالأمیر المرشد

لطمیّه

مای ما ضل بالخیم *** خویه یا راعی العلم

حرم و اطفال او یای *** تصرخ ا ترید المای

خویه یا راعی العلم

۞۞۞

زینب اتخاطب *** صاحب الرایه

العطش مض بینه *** او ناره سرّایه

و النهر تدری *** منلزم مایه

المای ما یبعد *** و المسنّایه

اعلیك شنگول انلزم *** یعبّاس و عالحرم

ادری بعضید احسین *** یاخذه ابرمشة عین

خویه یا راعی العلم

________________________

باللّه جیت اویاك *** خویه باصرنی

ابحالت اطفالك *** لا تحیّرنی

و الظمه البیها *** خویه اثرنی

امنین اجیب المای *** ابرای سیّرنی

یا أخوا لبیها التزم *** گلّی یا راعی الشیم

ص: 70

یا حلیف البتّار *** التكفلتها من الدار

خویه یا راعی العلم

________________________

تدری یا عبّاس

بالخیم نسوان

اطفال ویاها

او كل طفل عطشان

او بالمهاد اتلوع

اسمع الرضعان

و النهر أصبح ابقبضة العدوان

وین جودك و الهمم

او باسمك الجود انرسم

گوم اخذ هاك الجود

للنهر یبن العود

خویه یا راعی العلم

________________________

خویه ما أچحی

عن وضع حالی

و لو عطشانه

او یبس دلالی

لچن عبدالله

ایلوع یالوالی

او مثله كثره اطفال

تصرخ اگبالی

او كل طفل حاله النعدم

یفغر ایلوع ابألم

و الحرم نفس الحال

التهب منها الدلال

خویه یا راعی العلم

۞۞۞

( تمت )

ص: 71

فی بیان عطش عیال الحسین (علیه السلام) و شكوی زینب(علیها السلام) ذلك لأخیها و ابن والدها و كفیلها أبی الفضل العباس (علیه السلام)

و هذه القصیدة اما للشاعر مله عبدالحسین صبره و اما للمرحوم الشیخ حسن العذاری :

لطمیّه

أعیال ابو السجاد من جف مایها *** الگمر هاشم لفت زینب ذایها

۞۞۞

نادته و الدمع حدّر ویه الصوت *** أو نخّته لا لا اعله بختك یمنعوت

انته چی موجود و عیالك تموت *** امن الهلاك اشلون یا حمّایها

________________________

ضرب عرج الهاشمی ابگصته ابزوم *** او گلها عد عیناچ شوفینی الیوم

یختی و الله الخاطرچ لرخص السوم *** الروح و أجلبها علی شرایها

________________________

ردی ردی سكّتی یختی الاطفال *** لا یزینب یسمع احسین العیال

ساعه بینی أویبنها وصل الزلال *** أو هسه باملی خلها تحسب جایها

________________________

نادته و نعمین یمشرّگ الروس *** أو یا امجندل بالحرب فرّس الشوس

اگویت باللّه أو عسن سالم یمحروس *** یالذی لهمومنه جلایها

________________________

ص: 72

منها رد أو صاح یا ضنوة عقیل *** أو یا اشبول المرتضی حامی الدخیل

المای جف أوعالسبل عسكر ثجیل *** امچودره بخیولها أو رمّایها

________________________

خاطبوا یبن الوصی حامی الحمه *** بالشرایع لا تگول املزّمه

بالیمین اسیوفنه أو نشچی الظمه *** غم عگلها آل أمیه او رایها

________________________

شال جوده أو ركب و الیوث اركبوا *** و العمایم بیها عالگاع اضربوا

ما سطوا علگوم سطوه أو دحلبوه *** ابهضله جوها و یحدی حدایها

________________________

عامدین اعله الطعان أو عالطراد *** اصگور چنها اتگول بظهور الاجیاد

صكّو الجیش أو جلوا ذاك السواد *** نزلوا أو روّه الجرب روایها

________________________

رووا أو ركبوا أو ردوا مطو سین *** أو لوحت بظهورهن ضنوة احسین

جابوا المای أو اجوا متونسین *** أو خلوا ابهذی ایحچی حچایها ________________________

أو من وصل عباس لخته أولیها رد *** گالها أوفیت یختی لو بعد

نادته أدریك یمشكر أسد *** لو ردت أنخاك مانی تایها

________________________

آنه أدری اشلون غیره غیرتك *** او من هلی ما جیت الا ابجیرتك

یبن ابویه ادریك و اعرف شیمتك *** اشلون شیمه او للذمم وفایها

________________________

ص: 73

ما كمل الها الوكت و الفلك دار *** او ثانی یوم اتواردت الها الاخبار

عالنهر عباس لا یمنه او یسار *** او طاح نیران الحرب طفّایها

۞۞۞

( تمت )

فی رثاء العباس (علیه السلام)/للسید باقر الهندی

حیف ابو فاضل هوی ابمیدانها *** لوله المحتم فنی جیمانها ۞۞۞

من گدرله لون ما تگضی الاقدار *** او من گدر یگطع یمینه و الیسار

درت من حوم المنایه بیها دار *** او ما لها ابچتله فخر كوفانها

________________________

طاح من غوجه علی وجه الرمال *** مثل جلمود الیطیح امن الجبال

او دمعه ابعبره علی الوجنات سال *** الحال سكنه او زینب او رضعانها

_________________________

صاح بتلة النفس خویه یا حسین *** او داعة الله او بینه فرّگ البین

جاه اخوه ایصیح عنی غبت وین *** الیوم عدوانك اتنام اجفانها

________________________

الیوم بدیار المجد صاح الغراب *** الیوم چبد الفخرو المعروف ذاب

ص: 74

الیوم بحر النده او بدر السعد غاب *** الیوم هاجت بالگلوب احزانها

_______________________

یبن ابویه اشلون یحلالی صبر *** او چیف ترضه زینب اتعوف الخدر

اتصیح الك ویّاك اخذنی للگبر *** او لا تشوف النوح عد نسوانها

۞۞۞

( تمت )

فی زفاف القاسم ابن الحسن (علیهم السلام) عن لسان امه رمله /للشاعر العبقری الفاضل السید عبدالحسین الشرع رحمة اللّه

لطمیّه

یا چوچب العصرین *** یبنی ینورالعین

عرسك یجاسم صار *** وسفه ویه عرس البین

۞۞۞

اوحید او عمك دللك *** و یعدلك ایامك

یا زهرة اخیامك *** یمونس اعمامك

او كلسا یجی او یتمثلك *** و یعاین اسكینه

و تعاینك عینه *** او بیك اخوته امكیفین

_________________

ص: 75

یتیم او عمك یا نفل *** برویحته ایباریك

او خایف یروحی اعلیك *** او عینه تعاین لیك

و یرید ما دامه عدل *** یا جاسم ابعرسك

و بعرسك ایونسك *** یا نجعة الحیین

_________________

سمت الیعرس *** یا ضوه اعیونی یحنونه

او صیوانه یبنونه *** و اهله یزفونه

او یمشون بالزفه سوه *** ویّاه اخوانه

اعلی الفرح عوانه *** او بی تحف یسره ایمین

_________________

محروم یبنی امن الفرح *** من دون هالشبان

ذنبك یروحی اشچان *** آیا زمانی الخان

او خلاك بالحومه شبح *** لسیوف هالظلام

و اعلی التراب اتنام *** ما بین المیادین

_________________

بیك اسهرت و تمرمرت *** و حسبلك الأیام

یبنی یبدر التام *** و الیوم یا جسام

منك او من عرسك خبت *** كل الوسف یبنی

و الدهر خیبنی *** چن اعلی امك دین

_________________

ص: 76

بیدی اعجنت حنته العرس *** لبالی یمچنه

من عدها تتحنّه *** او بالعرس تتهنّه

تالیها یبنی ابها الشمس *** نایم ابحر الگاع

یا بدر یا شعاع *** وا معفرّ الخدین

_________________

لبالی اشوفن زفتك *** وجلی الحزن بیها

وا چفوفی احنیها *** یبنی او تالیها

احضر یجاسم چتلتك *** و اتشوفك اعیونی

مطروح ما دونی *** او راسك غده نصین

_________________

و آنه یجاسم من امس *** گلبی یحدثنی

لنّك تفارجنی *** مترد بعد یبنی

و یخیب ظنی امن العرس *** و عیونی اعمیها

و یصیر تالیها *** املبسك اسهام البین

_________________

گومی یزینب هلهلی *** و الحوفه نصبیها

و سكینه حنیها *** او لبنی دزفیها

او صیحن العباس او علی *** خلهم یلبسونه

اهدومه او یزفونه *** او بی تفرح الصوبین

_________________

ص: 77

اسم اللّه اعلی طول ابنی الچفن *** مو لایگ الطوله

لحسین گولوله *** اینزعه المدلوله

و یلبسه اهدوم الحسن *** و ایصیح لعمامه

خل تگف جدامه *** او جاسم تزفه الحین

_________________

نایم یعباس اشسبب *** گوم اشهر الصارم

وانده بنی هاشم *** و احضر عرس جاسم

هذا بن اخیك یا عجب *** ما تحضر ابعرسه

او بچفوفك اتلبسه *** یمگطّع الچفین

_________________

ایتیم ابوه أمودعه *** عدكم او تدری انته

وصّاكم ابزفته *** شهنو السبب عفته

وحدك نمت علی المشرعه *** او طابتلك النومه

بموسط الحومه *** او خلیتوا وحده احسین

_________________

اسمعت الیتیم الكل هله *** تحضر له بالكلفه

و العرس و الزفه *** او شبانها اتحفه

او هذا الیتیم ابكربله *** وحده تخلونه

و یدیر بعیونه *** لا یاهله الطیبین

_________________

ص: 78

ترضون ابنكم هالحرم *** صیوانه یبننه

او شمعه یعلگنه *** یهله او بزفنه

و انتم اهل شیمه او كرم *** یالبالحروب اسباع

تبگون فوگ الگاع *** كلكم طبگ ثاوین

۞۞۞

( تمت )

فی رثاء القاسم بن الامام الحسن (علیه السلام)

یامّی لمصابی *** خل یهل دمع المصاب

باچر اتشوفین *** جسمی مرمی اعله التراب

شمعة زفافی *** خل یطفّوها

باچر اتشوفین *** جسمی مرمی اعله التراب

_________________

ابحالتچ شیصیر *** لمّن اعیونچ اتشوف

عالأرض جسمی *** امطبّر ابحدّ السیوف

حنّتی یامّی *** لا یعجنوها

و الچفن خلّیه *** الزفتی ابدال الثیاب

_________________

ص: 79

ذكری ایامی *** او گولی یا وسفه علیك

یبنی من دمّك *** للعرس حنّیت ادیك

مهجتی ابچتلك *** یبنی صابوها

او بعد یولیدی *** ابیا دوه ایطیب الصواب

_________________

گعدی ویّاها *** و انحنی حنیی الضلوع

اعلیّه و اعلی الشاب *** و جرن اعلینه الدموع

والده و مثلچ *** هم روّعها

حیث اخبروها *** باللّحد ضنوتها غاب

_________________

یامّی لجل اربای *** بالتعب لیل و ناهار

خلصت ایّامچ *** و التعب تالیها صار

فاجعه او روحچ *** بیّه فجعوها

عالتعب وسفه *** او حیف اعلی ذاك العذاب

_________________

ص: 80

عمّتی زینب *** تبچی و اتشدّ الجروح

او عمّی ویّاها *** یمسح ادمای الیفوح

او نذرٌ علیّه *** لو ضمّدوها

ابروحی آنه افدیچ *** لو جرح من جسمی طاب

_________________

گعدی یم جسمی *** و بچی یامّی ابلاكلام

لا تنشدینی *** اشسوّت ابجسمی السهام

یامّی منّ اسهام *** جسمی الرموها

روحی خلصانه *** اومگدر انطیچ الجواب

_________________

او بینچ و بینی *** الفرگه هذی للمعاد

تبگه و اتظلّین *** بالبچه او لبس السواد

فرگه عدوانی *** اللی سبّبوها

لتعاتبینی *** اعلیها ما أحمل عتاب

_________________

ص: 81

یامّی لبّالی *** اكبر او اوفی ربای

الچ و اتعابچ *** و انتی تبگین ابحمای

لاچن اشبیدی *** اعدای أخطفوها

شمعة شبابی *** او شخصی مثل الشمعة غاب

_________________

لو یگلّولچ *** یا رمله وین الشباب

جاسم العرّیس *** شنهو عذرچ و الجواب

یامّی اعذارچ *** ما یقبلوها

لمّن اتگولین *** راح امن ایدیه الشباب

_________________

عالهزل تمشین *** بالیسر ویّه العیال

و انتی مچتوفه *** بالحبل ویّه الأطفال

او عمّتی ویّاچ *** و ایچتّفوها

بالحبل یامّی *** او سكنه ویّاها الرباب

_________ _________ _________

ص: 82

موشح تابع للقصیده

و انتی ذاك الوكت لو شفتینی *** عالأرض مطروح لتنادینی

لو علی الهزّل مشیتی امیسّره *** و آنه شفتینی طریح اعلی الثری

روحی یامّی او صبری عالصار و جری *** مثل صبر الشافعه او خلینی

روحی یامّی او ساعدی ابذاك السبی *** عمّتی زینب اویه ابنات النبی

او بالصبر عالهظم یامّی اتجلببی *** و لا تندیبینی تری تاذینی

لچن أرد اوصیچ لو شفتی شباب *** امحنّه امعرّس او یرفل بالثیاب

ذكری عرسی و آنه مرمی اعلی التراب *** و ابچی لمصیبتی او لا تنسینی

۞۞۞

( تمت )

فی زفاف القاسم ابن الحسن (علیه السلام) /للشاعر المرحوم شاكر محمود الحداد التستری النجفی

لطمیه

ابكربله هلیله أمسه ابكربله(مرتین) *** جاسم عمامه زفته

۞۞۞

ص: 83

ابكربله هلیله جاسم *** زفته عمرو العُله

امبارك امعرس یالأسلام *** أبوادی كربله

لبسوه اهدوم عرسه *** أو بس اله اللبس ایحله

چالبدر لیلة تمامه چالبدر مرتین

من لبس جاسم چسوته

_________________

اشلون فرحت آل هاشم *** لعد جاسم بالعرس

جاسم امن الحسن عوده *** نور وجها مقتبس

أو للبدر هلیله گامت *** هاشم اتزف الشمس

الشمس سكنه و البدر شبل الحسن مرتین

البرج صارت حوفته

_________________

اشلون من زفوا الجاسم *** آل هاشم بالطفوف

و البدر من كثر ظیّه *** الجاسم أنوه بالخسوف

و آل هاشم دون جاسم *** جرّدت بیض السیوف

اتشوفه جدّام الهواشم مبتسم مرتین

عمه الحسین ابظنوته

_________________

اشلون طب للحوفه جاسم *** و الحرایر هلهلت

و انبجح زینب گلبها *** أو لجله اتهلهل غدت

ص: 84

ساعه لن للحوفه رمله *** لعد جسّام اعتنت

ایطیب الك عرسك یجاسم شالسبب مرتین

أو عمك توّحد نادته

_________________

گام جاسم من سمعها *** و بوجه أمه ارتعد

گلها یمی الیوم یومی *** الحیل أظمه المن بعد

عاف ذاك العرس جاسم *** أو مسرع العمه گصد

راح یم حسین أوچب و اتنحب مرتین

او سال علی الخد دمعته

_________________

التفت لیه حسین عمه *** أو گام منه ایناشده

لیش یا عم عفت عرسك *** ما تبین لی اشسده

نب علیه جاسم یعمی *** الچبدی صوتك مرّده

أرخصنی یا عم أرد أروحن للحرب مرتین

أو جدّامه ذب اعمامته

_________________

نب علی عمه یگله *** اشلون أرخصك للحرب

بس تروح أویاك تاخذ *** یبن أخیی اشچم گلب

خاف تتگنطر یعمی *** للحرایب بس تطب

و الحسن عودك یجاسم من گضه مرتین

ص: 85

یبنی أنته أودیعته

_________________

نب علیه جاسم یگله *** یا شبل فارس بدر

عودی وصانی ابنصرتك *** و أنته حافظ هالامر

وحگ صدر أمك یعمی *** ضاگ من عندی الصدر

اگبال عمه گام جاسم یرتعد مرتین

او سیفه هزه ابیمنته

_________________

أرخصه عمه الحسین *** أو برز جاسم مبتسم

دمّر الجیش ابحملته *** أو راع كل ذیچ الزلم

مجمل أحچیلك ابجاسم *** حین طب اعله الحزم

یشبه الحملات جدّه المرتضی مرتین

جسام بالطف حملته

_________________

یا وسافه النعل شسعه *** ابحومة الكون انگطع

نوه ایشده انطبر راسه *** أو علی التربان انصرع

صاح أدركنی یعمی *** أو عمه الصوته سمع

گصد لاچنه اضلوعه منحنی مرتین

من شاف راسه أو طبرته

_________________

ص: 86

اشلون من شاله بدیه *** أو بیه تعنّه للخیم

منجسم راسه و أظن *** أعلیه گلب أمه انجسم

مدده ابصف علی الاكبر *** او صاح خل تلفی الحرم

اجت لیه الحرم كلها امن الخیم مرتین

و اجت امه او شبگته

_________________

اشلون زینب بت علینه *** لمّن الجاسم اجت

بین جاسم بین الأكبر *** زینب الحره اگعدت

اتصیح یا شبان منكم *** شنهوا الذنوب السدت

بت علی اللّه ایساعد بت علی مرتین

یا هو التهون امصیبته

۞۞۞

( تمت )

فی زفاف القاسم بن الحسن (علیه السلام) /للشاعر السید باقر الهندی رحمة الله

لطمیّه

گومن هلهلنله او لا تنوحنه *** عریس ابن اخوی ابدمه محنّه

۞۞۞

ص: 87

اغسلن بالدموع الدم عن اخدوده *** او تچنلّه ابراحه او نسلن اجعوده

نوَّدی بالبشایر للحسن عوده *** یازی هالبواچی انرید نتهنه

_________________

گومن هلهلنله او بطلن النوحه *** او صبن دمع بلچن نغسل اجروحه

امطبر نزف دمه و افقرت روحه *** فینله او تچتله و اندهنه

_________________

گومن هلهلنله او بطلن الحسره *** او لفن له العمامه او طبجن الطبره

امطبّر و الطعن بشواچله او صدره *** ماذیه الدرع گومن او حلنه

_________________

شوفنه یون او شابحه عینه *** لینه یخاف عدوانه تصل لینه

جرح گلبه لونه یطبج ابحینه *** راح الموت عنه او لا جذب ونّه

_________________

یا شبان گوموا نشروا العمایم *** یا عباس لیش اعلی الثری نایم

گوموا الكل ساعه او زفوا الجاسم *** شباب ابن الحسن و ابن اثنعش سنه

_________________

وگفنله اضلال من الشمس یمه *** بت عمه اسكینه او عمته و امه

حنن روس و چفوف ابسفح دمه *** اشحال اگلوبهن من ایسن منه

_________________

دارن بیه او زینب تجذب الحسرات *** یعمه الگلب عمتك حول الطبرات

امعرس یا بعد عمتك سبع مرّات *** علی أمنصت رمل مزفوف للجنّه

۞۞۞

( تمت )

ص: 88

فی زفاف القاسم بن الحسن علیه السلام و خطاب امه رمله /للشاعر المرحوم عبد الله الروازق

لطمیّه

هلهلت رمله لبنها *** و هی العرسه مسعده

۞۞۞

ایطیب خاطرهاالحره *** من تصد الطول ابنها

بدر زینتها او سعدها *** او بی تگر العین منها

الشوفته یستر گلبها *** او تفرح او یجلی حزنها

و الولد یحله ابشبابه *** او لعد امه ایصیر ورده

_________________

گرّت اعیونچ یرمله *** ابعرس جسام المچنه

گومی یمه هلهلیله *** خاطر ابعرسه ایتهنه

های للعریس عاده *** من یعجنو له الحنه

اتهلهل امه اگبال وجها *** او بالهلاهل تسر چبده

_________________

او بعد للعریس عاده *** كل عمامه یحظرونه

ایلبسونه اثیاب عرسه *** او بالتهانی یزفونه

ص: 89

و الملبس لجل عرسه *** فوگ راسه ینثرونه

و الفرح یحله ابزفافه *** او كل محب ایحضر عنده

_________________

بالله یا شبان گوموا *** زفوا شبل الحسن جاسم

زفته هذه محلها *** او هذا بیت العرس و الم

امبارك الجسام عرسه *** او ریت هذه العرس دایم

گوموا لمه بشروها *** او بشروا والده او جده

_________________

ربته ابمهجه گلبها *** و بنفسها تفدی نفسه

تنسه هم الدهر كلّه *** من یناغیها ابحسه

ابین ما چانت الحره *** رمله فرحانه ابعرسه

ساعه لنه طب علیها *** و الدمع یجری اعله خده

_________________

گامت او نادت ابحرگه *** او روحها زاید وجلها

یبنی هذه محل عرسك *** و البواچی مو محلها

عاین العریس لمه *** لاچن ابعبره یگلها

ما هو یوم العرس هذا *** یمی هذا یوم شده

_________________

انطینی ثوب الموت البسه *** ابدال ثوب العرس یمی

عمری هذه الیوم حده *** او حنتی من فیض دمی

ص: 90

انطینی سیف الحرب بیدی *** ارد ادافع دون عمی

ذبح خلصوا كل عمامی *** او هذا عمی حسین وحده

_________________

نادته یبنی یجاسم *** هذه حچیك مرد روحی

یبنی ریض خل اودعك *** من تروح ایطول نوحی

یبنی شینشف دمعتی *** او بالگلب كثرة اجروحی

یبنی رایح های هیه *** یو بعد هم الك رده

_________________

یصعب اعلیه افراگك *** اشلون اضل لو فارگتنی

اشلون اشوفنّك ابدمك *** سابح او مذبوح یبنی

انچانك للموت رایح *** یا اولیدی اویاك اخذنی

اتعیفنی و انه غریبه *** او گلبی لمصابك تمرده

_________________

او صد لعند امه المچنّه *** او گال اوصیچ ابوصیة

لو سمعتی ابعرس واحد *** ابچی یایمه علیه

بعد لذة الهوه ابنفسی *** لیش حرمتنی المینه

و الوداع اویاچ یمی *** گضه او عمری هذه حده

_________________

اشلون حال امه اعله ابنها *** من حمل لجموع امیّه

او من عگب ما لعب بیهم *** صوبه سیف المنیه

ص: 91

هامته طرها الأزدی *** او طاح میّت عالوطیّه

گصد لیه حسین عمه *** او یستعر بالگلب وجده

_________________

گعد یم جاسم او ناده *** یبن اخویه او یا مهجتی

دیر طبراتك یجاسم *** لعد دلالی او چبدتی

او بطل الونه یروحی *** زیدت بالونه علتی

شافه ابذیچه الحاله *** او منه ركن الحیل هده

۞۞۞

( تمت )

عن لسان الوالده

حاچینی یبنی یبنی *** حاچینی یبنی

و رحم یجاسم حالی *** حاچینی یبنی

۞۞۞

یبنی الشبعد حامی *** بحیاتی بعدیت

اتعب عله ارباك *** و احسّب ظلّیت

ص: 92

تكبر و أعرسك بیدی *** و فرح ظنیت

خیّبت ظنی چنك *** خیّبت ظنی

او راح التعب یالغالی *** حاچینی یبنی

_________________

تدری الدهر یبنی *** میرحم غربه

ویش البگلب الوالده *** و یطلبه

یبنی و غدت كلسا *** تجینی حسبه

اتصوبت چنّی ابگلبی *** اتصوبت چنّی

ابسهم السهر یالوالی *** حاچینی یبنی

_________________

آه رمله آه یبنی *** او ینور البالعین

گوم امشی ویّای *** العمامك هالحین

الحوفت زفافك یبنی *** وگفت صوبین

او گامت تهنّی عمّك *** گامت تهنّی

امهنّه عسن للتالی *** حاچینی یبنی

_________________

ص: 93

یا نور عینی *** البی اوچّد دربی

یبنی ابسهر لیلی *** علیك او تعبی

من عندك اطلب *** یبنی فرحَت گلبی

او هذا التمنّی یبنی *** او هذا التمنّی

زفتك تصیر اگبالی *** حاچینی یبنی

_________________

شیرید من عندی زمانی *** شیرید

حاتفنی بیك او عندی *** بس انته وحید

شیفیدنی من ابچی الشبابك *** شیفید

گبلك عسنّی میته *** گبلك عسنّی

لو میته عاد اشوالی *** حاچینی یبنی

_________________

یبنی دگوم و دیر *** لیّه الطبرات

خلیهن ابگلبی تصیر *** الطّعنات

هم بعد بیك ایعود *** دهری هیهات

ص: 94

حرمه و تذبنی وحدی *** حرمه و تذبنی

بس هاذی موش ابالی *** حاچینی یبنی

_________________

اشبیب و نایم عالتراب *** امگطّع

جسمك بگی و حیلی *** علیك اموزع

ویلاه یدهری الخلّه *** گلبی امروع

و ابعدك عنی ویلی *** و ابعدك عنی

و بیت العرس ظل خالی *** حاچینی یبنی

_________________

امصابك یجاسم صابنی *** بمصابین

امصیبتك یا جسّام *** و امصاب احسین

عمّك حسین اوحید *** و ایدیر العین

و انته افجعتنی بچتلك *** وانته افجعتنی

ابشیبی بعد آمالی *** حاچینی یبنی

۞۞۞

( تمت )

ص: 95

فی حق القاسم /للشاعر سید علی الهاشمی

لطمیّه

گومی یزینب عمّته *** او نادی بنی عدنان

ابنفسی اشوفن زفته *** مابین هالشبان

یا رمله الغریبه *** امنین جاسم اجیبه

گومی یزینب عمته

۞۞۞

لازم یحضرونه *** اولیدی یحنونه *** و كلهم یزفونه

عریس شنهی نومته *** متناسب النومه

گومن نلف اعمامته *** وانلبسه اهدومه

یا رمله الغریبه *** امنین جاسم اجیبه

گومی یزینب عمته

_________________

او ننصبله الحوفه *** و انحنی اچفوفه *** والحنه مدیوفه

ص: 96

گامن طبگ كلهن و ایجن *** و الحوفه نصبنها

و رمله و رباب ایهلهلن *** و شمعته علگنها

یا رمله الغریبه *** امنین جاسم اجیبه

گومی یزینب عمته

_________________

ردن لفن یمه *** او صارن علیه لمّه *** و لن سابح ابدمه

دارن علیه یتصارخن *** كلهن فرد نوحه

و اعیونهن یتهاملن *** و ایغسلن اجروحه

یا رمله الغریبه *** امنین جاسم اجیبه

گومی یزینب عمته

_________________

گامن یندبنه *** دگعد یالمچنه *** لیش ابعدت عنه

نایم یجاسم علی الثری *** ابعید البله مطروح

اخدودك یویلی امعفره *** و دمك غده مسفوح

یا رمله الغریبه *** امنین جاسم اجیبه

گومی یزینب عمته *** و نادی بنی عدنان

۞۞۞

( تمت )

ص: 97

فی رثاء علی الأكبر(علیه السلام) عن لسان امه لیلی /للشاعر المرحوم الشیخ یاسین الكوفی

لطمیّه

شلهم علی حالی *** شلهم علی حالی

لیله تنادی یبنی یالغالی *** شلهم علی حالی

۞۞۞

لیله تنادی یا علی بحماك *** امك یچبدی

چنت ابو جودك یبنی اچید اعداك *** ظلیت وحدی

امك ذلیله او تنحب او تنخاك *** انچتل ودی

امك دجاوبها *** و الدهر حاربها

طیب تضل یولیدی لبالی *** شلهم علی حالی

_________________

شیبت یبنی اولاح تدری الشیب *** بالراس یبنی

ما حصلت غیرك او گلبی ایخیب *** و نته تذبنی

بالگلب جرك لا تظن ایطیب *** یومك چتلنی

ردتك تضل سالم *** فوگ الثره نایم

او طولك امدد عالثره اگبالی *** شلهم علی حالی

_________________

یبنی یالكبر و الدهر میشوم *** حاربها لمك

ص: 98

میت اشوفك یبنی یالمحروم *** سابح ابدمك

اسمك یالكبر بالگلب مرسوم *** و ندب اباسمك

لو شفتك امدد *** دلالی یتمرد

و السیف گبلك ریت چتالی *** شلهم علی حالی

_________________

یبنی اطلبت شخصك امن المعبود *** ونته طلبتی

تالیها اشوفك عالثره ممدود *** تجری دمعتی

خلیت گلبی یا علی ممرود *** زیّدت ونتی

للنوم عادیته *** و الگلب وجیته

و علیك یبگه یحن دلالی *** شلهم علی حالی

_________________

یا علی امصابك یا دلیلی امصاب *** بالگلب یسعر

من گبل راسك راسی گلبی انصاب *** یبنی یالكبر

چنت ابوجودك یا علی انهاب *** عالفرگه مگدر

یا مهجة الهادی *** لو طوّح الحادی

بالدرب منهو البعد یبرالی *** شلهم علی حالی

_________________

گطعت سبّاح الذی بحشای *** یا شبل حیدر

بالدرب منهو یمشی یبنی او یای *** لو صرنه بالبر

بالدرب ترضه امشی ویه اعدای *** حالی تغیر

ص: 99

و الهودجی اتلزمه *** او تمشی چنت یمه

و الموت یبنی ابهای اشوالی *** شلهم علی حالی

_________________

امك تگلك لیش یالمحروم *** یبنی عفتنی

من وطن جدك انته یالمعلوم *** من طلعتنی

حرمه او ذلیله امسلبه اویه الگوم *** لیش اتركتنی

ما تنشد اعلیه *** و تروح دفعیه

و بهیبتك محد الیدنالی *** شلهم علی حالی

_________________

یبنی خذونی امچتفه الظلام *** و ومی بدیه

چا وین الاكبر صاحب الصمصام *** راعی الحمیه

های المصیبه او طبتی للشام *** تصعب علیه

ونته التنزلنی *** او بیدك ترچبنی

گلی عفتنی لیش یالوالی *** شلهم علی حالی

_________________

للموت اریده او للعمر مارید *** و ابگه غریبه

و خلاف عینك اذل یا صندید *** های المصیبه

و ادروب صعبه امشیت یبنی اتچید *** ما هی جریبه

شفت الهضم بیها *** و ادموعی لجریها

و ابچی اعلی عزی او غایب اهلالی *** شلهم علی حالی

۞۞۞

( تمت )

ص: 100

فی رثاء علی الأكبر(علیه السلام) عن لسان الوالده /للشاعر الشیخ عبد الساده الدیراوی

لطمیّه

یمّه حاچینی *** یا نظر عینی

منته سلوه او عگب عینك من یسلّینی

۞۞۞

یالجبتنی او جیت *** من وطن جدّك

او چنت افخر بیك *** یوم اهز مهدك

من رحت ذلّیت *** یالولد بعدك

عگب عینك یلمدلّل من یبارینی

_________________

یا عمود البیت *** یا عزیز امّك

یالولد ذلّیت *** و افزعت یمك

الگبر طمنی ریت *** گبل لا طمّك

گلبی اتگطّع ییمّه گوم حاچینی

_________________

گلت تبگه اویای *** دوم اشوفنّك

یا أمل دنیای *** گلت ازفنّك

شعل نار احشای *** یالولد ونّك

ابونّتك یا بعد امّك یكثر اونینی

_________________

ص: 101

اشلون ارد للبیت *** و انظر امچانك

یالمتت محروم *** گبل میحانك

یا اصبی العین *** الهجر موشانك

یبنی لو صدّیت عنّی الهجر یعمینی

_________________

یا عزیز الروّح *** یا صبّی العین

سهر لیلی الفات *** یالمدلّل وین

كربله ابهالیوم *** یبنی جتنی امنین

او گطّعت حبل السّعاده البینك او بینی

_________________

چنت افخر بیك *** دوم بین النّاس

أمل عندی اویاك *** دوم اشیل الرّاس

خیّبتنی لیش *** گول یا جرناس

چنت ذاخرتك یعگلی الآخر اسنینی

_________________

ما حسبت احساب *** یالولد یبنی

بین گوم اجناب *** تصد و اتذبنی

یبن داحی الباب *** لا تسیّبنی

امّك و بین الاجانب لا تخلینی

_________________

ص: 102

چنت وكت الفات *** الهج ابأسمك

گلت وكت الشیب *** التجی یمّك

عفت امّك لیش *** یا عزیز امّك

ما گلت امّی الحنونه اللی تبارینی

_________________

یبنی المحتوم *** جره او صار الصار

لچن گلّی اشلون *** طبتی للدار

لون بیدی الموت *** و القضا یندار

چنت ادیر الموت لمّك یا نظر عینی

_________________

یمه الله او یاك *** رایحه عنّك

ما ترد اویای *** أیّست منّك

اعتقد یا مدلول *** ما اعوفنّك

ابچی الفرگاك لمّن تنگضی اسنینی

_________________

انحنت تالی اعلیه *** او شمّته ابنحره

شافته ابلا راس *** حبّته ابصدره

نادته او بالعین *** تجری العبره

ماشیه عنّك یعگلی الگوم سابینی

۞۞۞

( تمت )

ص: 103

فی شجاعة علی الاكبر(علیه السلام) /للشاعر الشیخ نجم عبّود الحلی الكوّاز رحمة الله

لطمیّه

حی علی الاكبر *** بالحرب لو كر

و المسامی هابته *** من نزل لیها

۞۞۞

صول الأكبر *** بامر ابوه حسین

او ناده یا كوفان *** و المفر لاوین

الیوم اراویكم *** منی طعم البین

یرتجز سیفه *** او منها اخذ حیفه

اودم سگاها ابصولته *** من نزل لیها

_________________

چنی بالأكبر *** ابحومة المیدان

او صارمه ابیمناه *** او ذل بنی كوفان

اتخاف من عنده *** فرت الفرسان

ضنوا ابحیدر *** امن الغری حدر

ابهای ضنوا حملتله *** من نزل لیها

_________________

ص: 104

بالفراسه او زود *** من زغر سنه

او كل بنی كوفان *** اربت منه

اموشح بأیمان *** و الحرب فنه

هل فعل عنده *** او رشحه جده

او بیها مثّل سطوته *** من نزل لیها

_________________

یعلن ابسوطه *** او عالحرب جادم

او برز للاكبر *** بكربن غانم

احسین من شافه *** ما یرد سالم

ناده یا لیله *** لبنچ ادعیله

و العساچر حاطته *** من نزل لیها

_________________

یالذی ردیت *** یوسف الیعگوب

رد علی اللیله *** اولیدی المحبوب

ما الی غیره غایه *** او مطلوب

استجاب الله *** استجاب الله

او رجع سالم شافته *** من نزل لیها

_________________

رد علی الأكبر *** بالنصر فرحان

او راس ابن غانم *** جابه عالی الشأن

ص: 105

یم ابوه احسین *** حی نسل عدنان

گله ارید المای *** بویه اروی اظمای

حسین یسچب دمعته *** من نزل لیها

_________________

گله یبنی اضماك *** صار مثل اضمای

ارجع او یسجیك *** جدك من المای

استجب للباری *** او متثل هالرای

حی علی او شأنه *** او های عنوانه

او گام ایشمه ابوجنته *** من نزل لیها

۞۞۞

( تمت )

نعی عن لسان لیلی

تسلینی علی یبنی او تسلی حسین *** و عادات الولد یبنی یگر العین

صادر للمنیه و نادته لا وین *** وین اترید یالمدرع دحاچینی

یگلها گاصد المیدان الی غارات *** الی من والدی عند العده ثارات

شوفی احسین والینه یجر حسرات *** و ینادی وینه الی یحامینی

یحامینی و یحامی الحرم وآنه اسمع *** یصیح و ینتخی و عین العدم تدمع

ابوی المانی اشوفه فلا اتضعضع *** و انه سالم علج الفخر یكفینی

یكفینی الفخر من والدی الجدی *** ابات الضیم دوم اعله العده تعدی

ص: 106

یلیله اوداعة الله الخیمتچ ردی *** الیوم الیوم و اعیونچ ترادینی

ترادینی یگللهه شدید الباس *** شتتهه و اخذ اوجوه النفل نوماس

رد لحسین بیده السیف بیده الراس *** بویه حسین شربة مای دسجینی

۞۞۞

( تمت )

شجاعة علی الأكبر(علیه السلام) فی معركة الشرف الحسینی فی أرض كربلاء

وجهه و انواره *** او صارمه اوناره

عالفزع بیهن حمل *** ضنوتك یحسین ۞۞۞

لاح الخیاله *** او حدّر اعلی الگوم

او گام بالماضی *** اعلی الصفوف ایحوم

یعتنی ابسیفه *** الضیغم امن الگوم

الوغه ابّتاره *** زلزل اكتاره

او خلّه الابطال ابوجل *** ضنوتك یحسین

_________________

ابهیبة المختار *** صاحب المعراج

ص: 106

أسفر اعلی الگوم *** او عالحرایب هاج

للفخر و الزود *** لابس اشرف تاج

او گابل الغاره *** ابهیبه قهّاره

مثل ابو الحمله الفحل *** ضنوتك یحسین

_________________

جیمة الیگصد *** یحمل اعلیها

ایخلّی أوّلها *** فوگ تالیها

سیفه چنّه شهاب *** جمر یرمیها

بگت محتاره *** ابأمره و ایساره

سیل حدّر من جبل *** ضنوتك یحسین

_________________

اتگول مثل السیل *** عالفزع حدّر

او فرت الأفلاك *** اعلی المسامی افتر

ابسیفه خلّه الكون *** یشبه المحشر

حیّر افكاره *** او ثگّل اوزاره

للفزع لمّن نزل *** ضنوتك یحسین

_________________

سوّه بالمیدان *** خطّه حربیه

ملك هوّه اوصار *** غوجه كرسیّه

او لبس تاج الزود *** او گام ماضیّه

ص: 108

ابحربه و اختاره *** ایخلّد آثاره

و الحرب لأمره امتثل *** ضنوتك یحسین

_________________

اتصیح ذیچ الگوم *** و الفكر محتار

هذا یا فرسان *** عالكتایب غار

هذا سید الكون *** لو علی الكرار

الموت و اقداره *** بیمینه و یساره

او چم بطل ضیغم چتل *** ضنوتك یحسین

_________________

امن الفزع أبطال

تمّم المیتین

او حربه من عنده

احتارت الصوبین

غدت كلها اتصیح

هذا ابو الحسنین

العده غدّاره

دمها یتجاره

عالأرض شوف اشعمل

ضنوتك یحسین

_________________

عاد من شافت

حملته الجیمان

اتحیّرت منّه

ابخطّة المیدان

او ردّت اعلی اللیث

دارت الفرسان

او إجه الغداره

العبدی و اتواره

او صابه لمّن لیه وصل

ضنوتك یحسین

_________________

ص: 106

شبگ غوجه حین *** صابه المگدّر

او بیه راح الغوج *** الخطّة العسكر

و بمواضی اعداه *** جسمه اتوذّر

او لمّن اختاره *** الباری لجواره

جسمه من راسه انفصل *** ضنوتك یحسین

_________________

اومن وگع عالگاع *** ناده یا مظلوم

لحّگ اعلیّه *** گطّعونی الگوم

و انته اتعنّیت *** و الگلب مالوم

او شفت طشّاره *** جسمه واوذاره

او جسمك الحاله نحل *** ضنوتك یحسین

۞۞۞

( تمت )